Татарстанлылар акыллы колонка аша телефонга шалтырата алачак
МТС, цифрлы экосистема, Россия операторлары арасында беренче булып Яндекс белән берлектә аның акыллы колонкасы аша шалтырату функциясен эшләтеп җибәрде. Хәзер Татарстанда һәм Россиянең башка төбәкләрендә МТС абонентлары смарт-колонкалардан теләсә кайсы оператор номерларына үз агымдагы тарифлары буенча шалтырата һәм чакыруларны кабул итә алачак.
МТС абонентлары «Алисалы йорт» кушымтасы аша яңа функцияне бушлай тоташтыа ала. Акыллы колонка аша шалтырату өчен команданы әйтергә һәм виртуаль ассистент мөстәкыйль рәвештә номерны җыячак. Шалтырау тавышы гади телефон чакыруы кебек булачак һәм МТС планында агымдагы тариф буенча тарифлана. Әңгәмәдәшнең телефон экранында абонент номерыннан стандарт керүче шалтырату чагылыш табачак.
Сезгә шалтырату килсә, виртуаль ассистент шалтыратучының исемен хәбәр итәчәк. Чакыру колонкага кәрәзле телефон белән синхрон рәвештә киләчәк, хәтта ул тавышсыз режимда булса да яки сүндерелсә дә. Керүче чакыруны тавыш командасы ярдәмендә дә кабул итәргә мөмкин. Кулланучыларга уңайлылык өчен «борчымаска» режимы мөмкин, аны билгеле бер вакыт интервалларына көйләргә мөмкин, шул режим дәвамында станция шалтырату турында хәбәр итмәячәк.