«Ростелеком» Казанда кунакханә бизнесы өчен цифрлы сервис тәкъдим итте
«Ростелеком» Татарстан кунакханәчеләренә «Цифрлы кунакханә»— кунакханәләр өчен комплекслы чишелеш тәкъдим итте. Партнерлык чарасы Казанда узды, анда кунакханә бизнесының 30 вәкиле катнашты.
«Цифрлы кунакханә» - кунакханәләр һәм кунакларны урнаштыручы теләсә нинди башка объектлар өчен күп функцияле болыт сервисы, ул кунакханә хуҗаларына бизнес-процесслар белән уңайлы идарә итәргә ярдәм итә. Система ярдәмендә броньлауны күзәтергә, шулай ук персоналны контрольдә тотарга, хезмәтләрдән файдалану статистикасын алырга, финанс исәбен алып барырга, шәхси мәгълүматларны үзәкләштерелгән һәм имин саклауны тәэмин итәргә мөмкин.
Оператор «Цифрлы кунакханә» нең десктоп һәм web-версиясен тәкъдим итте, алар чит программалар, мәсәлән, броньлау системалары, финанс платформалары, видеокүзәтү белән интеграцияләнә.
Павел Гонцов, "Ростелеком" ГАҖнең Татарстан Республикасындагы филиалы директоры:
"Без туризм һәм кунакханә бизнесы өлкәсендәге клиентларга мәгълүматларны саклау мөмкинлеге булган комплекслы чишелеш тәкъдим итәбез. Безнең сервис кунакханәләргә чит ил вендорларын программа белән тәэмин итүне яңа күп функцияле һәм технологик продуктка алыштырырга мөмкинлек бирә. "Цифрлы кунакханә"нең мөһим өстенлеге - 24 / 7 режимында техник ярдәм. "Ростелеком" белгечләре һәр заказчы өчен индивидуаль тәкъдим әзерли ала".