Innostage RAEX версиясе буенча ТОП-10 компанияләр исемлегенә керде

Татарстанның системалы интегратор һәм киберкуркынычсызлык өлкәсендә чишелешләр эшләүче -Innostage ИТ-компаниясе RAEX аналитик агентлыгының еллык рэнкингында уңышлы дебют ясады. 2023 елның финанс нәтиҗәләре буенча ул илебезнең иң эре компанияләре арасында 9 нчы урынны яулады.

Беренче унлыкка рэнкинг буенча барлык керемнән 84,5% табыш туры килә — 610,1 млрд сум. Ә тикшеренүдә катнашучыларның гомуми кереме 2023 елда 722,5 млрд сум тәшкил иткән, бу 2022 ел күрсәткечләреннән 27% ка югарырак. Шул ук вакытта Innostage ике тапкыр зур үсеш темпларын күрсәтте – 56%.

Базарның динамик үсеш факторлары арасында RAEX аналитиклары заказчыларның үзебезнең ил программа тәэминатына һәм җиһазларына күчүен, бу өлкәдә импортны алмаштыруга дәүләт ярдәмен һәм мәгълүмати һәм киберкуркынычсызлык чакыруларын билгеләп үтәләр. Күрсәтелгән факторлар башлыча ике ИТ-сегментны стимуллаштырды — программа тәэминаты эшләү (+41%) һәм ИТ-хезмәтләр (+32%). Хезмәтләрдән кергән табышны сегмент эчендә бүлү: 82% - сервис ярдәме һәм аутсорсинг хезмәтләренә, 10% - интеграциягә һәм 9% - консалтингка.