«Ростелеком» Идел Буе төбәкләрендә уку йортларын куркынычсыз интернет белән тәэмин итте
«Ростелеком» Идел буе федераль округында белем бирү учреждениеләрен бердәм мәгълүмат тапшыру челтәренә тоташтыру буенча федераль проектны тәмамлады. Контентны фильтрлау мөмкинлеге булган тиз йөрешле интернетка Идел буеның 13 төбәгендә 9 885 уку йорты кушылды.
Татарстан Республикасында 1408 уку йорты бердәм мәгълүмат тапшыру челтәренә тоташтырылган. Провайдер белгечләре мәктәпләрдә якланган элемтә каналлары оештырдылар һәм һәр интернет-ноктаны криптографик яклау комплексы белән җиһазладылар. Интернетка керү тизлеге шәһәр мәктәпләрендә 100 Мбит/с һәм авыл мәгариф учреждениеләрендә 50 Мбит/с тәшкил итә.
Айрат Хәйруллин, Татарстан Республикасы ддәүләт идарәсен цифрлы нигездә үстерү, мәгълүмат технологияләре һәм элемтә министры:
"Бердәм мәгълүмат тапшыру челтәренә тоташтыру проекты — Татарстанда игълан ителгән Цифрлаштыру елының мөһим пункты. Киләсе этап - республиканың урта махсус уку йортларын колачлау. "Ростелеком" компаниясендә без республика өчен мөһим һәм масштаблы проектларны гамәлгә ашыруда ышанычлы партнер күрәбез".