Иннополис пилотсызларга тест үткәрү өчен бүләк алды
«Иннополис» махсус икътисадый зонасы fDi премиясенең «Автоматлаштырылган идарә» (Automated Driving) номинациясендә пилотсыз машиналарны тестлаган өчен премиясен алды.
Global Free Zones of the Year иң яхшы махсус икътисадый зоналарның еллык рейтингы fDi Intelligence журналы тарафыннан әзерләнде, ул Financial Times төркеменә керә. Аны төзегәндә экспертлар «Иннополис» МИЗның ESG таләпләре буенча тотрыклы үсешкә һәм яңа автоматлаштырылган технологияләр кертүгә ярдәм итү буенча аерым тырышлыгына игътибар иттеләр.
"Яндекс" Россия технологик гиганты шәһәрдә кеше катнашыннан башка ризык китерүне тикшерә. Соңгы ике ел эчендә пилотсыз такси шәһәр буйлап 12 меңгә якын тапкыр барды", — дип шәрехләде бу казанышны fDi Intelligence Глобаль базарлар секторы мөхәррире Алекс Ирвин-Хант.
Бу «Иннополис» МИЗның Global Free Zones of the Year рейтингында өченче җиңүе инде. 2019 һәм 2020 елларда аны төзүчеләр «Хезмәткәрләр өчен Инфраструктура», «5G кертү», «Сыгылмалы офис киңлеге», «IT-Специализация» һәм «Индустрия 4.0» номинацияләрендә Иннополисның казанышларына игътибар иттеләр.