Максут Шадаев: "Россия базарында бик җитди проблема - ИТ-кадрларга кытлык"

2021 елның 21 сентябре, сишәмбе

Россия цифрлы үсеш, элемтә һәм массакүләм коммуникацияләр министры Максим Шадаев Kazan Digital Week пленар утырышында чыгыш ясады.

"Цифрлы трансформация - безнең ил өчен иң югары приоритет", - дип ассызыклады ведомство башлыгы. 

Россия Хөкүмәте алдында бүген ике бурыч тора - беренчедән, бу-ИТ-тармак өчен салым йөкләнешен минимальләштерү, ул беренче ярдәм пакетына салынган иде, икенчедән, Россия программа тәэминатына һәм инженерлык системаларына ихтыяҗны стимуллаштыру.

Ил эчендә ихтыяҗны киңәйтү бурычын шушы көннәрдә генә кабул ителгән "икенче пакет" хәл итә. Аерым алганда, 2024 елга дәүләт компанияләрендә программа белән тәэмин итүнең 70% Россиянеке булырга тиеш.

"Дәүләт компанияләре бик җитди сигналлар алды", - дип билгеләп үтте Максут Шадаев.

Шәхси бизнес өчен салым ташламалары каралган, бигрәк тә ясалма интеллект өлкәсендә Россия эшләнмәләрен гамәлгә кертүгә бәйле. Моннан тыш, төбәкләрнең ИТ-компанияләр өчен табышка салымын киметү мөмкинлеге барлыкка киләчәк. Кече бизнес аерым ярдәм алачак.

Шадаев сүзләренә караганда, «икенче пакет»ның зур блогы инженер системаларына кагылачак. Чыгымнарның 80% ка кадәр Дәүләт Россия инженерлык системалары кертелсен өчен үз өстенә алырга әзер.

Әмма Россиядә ИТ үсешен тоткарлый торган глобаль проблема да бар - кадрлар кытлыгы.

Бүген программалаштыру телләрен өйрәнүнең кайчандыр мәктәпләрдә инглиз телен өйрәнү кебек үк модалы булуы мөһим, дип билгеләп үтте министр.

РФ Хөкүмәте югары уку йортларында ИТ-белгечлекләр буенча бюджет урыннарын киңәйтергә һәм югары уку йортлары мөгаллимнәрен масштаблы яңадан әзерләүне уздырырга планлаштыра. Бу юнәлештә Максут Шадаев Иннополис Университеты белән хезмәттәшлекне аерым билгеләп үтте, аның кысаларында 20 мең мөгаллим квалификация күтәрүне узды инде.

Министр сүзләренчә, вузларда «Хәрби кафедралар» белән охшаш цифрлы кафедралар ачу планлаштырыла. Якын арада вузлар исемлеге сайланачак.

"Илдә салым шартлары булдырылган. Хәзер ИТ-белем алуга ихтыяҗны стимуллаштырырга һәм үстерергә кирәк. Иннополис Университеты белән бергә без кулга-кул тотынып барабыз. Минемчә, бу элемтә бик яхшы, һәм ул эшли башлаячак", - дип нәтиҗә ясады министр.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International