COVID-19 вакциналаштырылган сертификат алу гадиләштерелде
РФ Дәүләт хезмәтләренең бердәм порталында COVID-19 вакцинациясен узу турында электрон сертификат алу процессы автоматлаштырылган. Бу хакта Россия Федерациясе Цифрлаштыру министрлыгының Матбугат хезмәте хәбәр итә.
Вакцинацияләүнең икенче этабын узган һәм дәүләт хезмәтләрендә расланган исәпкә алынган барлык вакциналаштырылган кулланучыларның сертификаты порталның хәбәрнамәләре тасмасында автомат рәвештә чагылыш табачак һәм шәхси кабинетта сакланачак.
Сертификат белешмәләре вакцинация узганнан соң ук дәүләт хезмәтләрендә үз хисапларын раслаган кулланучыларга да автомат рәвештә ачык булачак.
"Якын арада, шулай ук, рус телендә генә түгел, инглиз телендә дә вакцинация турында алынган сертификатларны автомат рәвештә йөкләү гамәлгә ашырылачак, кирәк булганда, аларны QR-код рәвешендәге "Госуслуги" кушымтасы аша турыдан-туры мобиль җайланмадан күрсәтергә мөмкин булачак", - дип сөйләде Россия Цифрлаштыру министры урынбасары Олег Качанов.
Исегезгә төшерәбез, COVID-19дан вакцинациягә язылу Дәүләт хезмәтләре порталында һәм «Госуслуги» мобиль кушымтасында бар.