Айрат Хәйруллин Липецк өлкәсе делегациясенә Татарстанның цифрлы сервисларын тәкъдир итте
Татарстанның цифрлы үсеш министры Айрат Хәйруллин Липецк өлкәсе администрациясе башлыгы урынбасары Анатолий Якутин белән эшлекле очрашу үткәрде, анда республиканың төп ИТ-проектлары турында сөйләде.
Киңәшмәдә шулай ук республиканың Цифрлы үсеш министры урынбасары Радик Гисмятов, өлкә администрациясенең мәгълүматлаштыру идарәсе башлыгы Станислав Корниенко, идарә башлыгы урынбасары – үсеш бүлеге башлыгы Ирина Воронина, «Мәгълүмати-техник үзәк» мәгариф учреждениесенең программа белән тәэмин итү бүлеге башлыгы Кирилл Двуреченский катнашты.
Очрашу кысаларында катнашучылар Цифрлы үсеш мәсьәләләре буенча хезмәттәшлек перспективалары турында фикер алыштылар. Айрат Хәйруллин билгеләп үткәнчә, бүген Татарстан да, Липецк өлкәсен дә Россиянең алдынгы «санлы» төбәкләренең берсе дип атарга мөмкин. Ике төбәктә дә икътисад тармакларын: социаль һәм мәгариф өлкәләрен, мәдәният һәм финанс өлкәләрен һ. б. цифрлаштыру буенча актив эш алып барыла.. Министр сүзләренчә, инновацион цифрлы эшләнмәләр сизелерлек файда китерергә мөмкин булган экология мәсьәләләре аеруча игътибарга лаек.
Айрат Хәйруллин кыскача гына Татарстанда булдырыла торган ИТ-проектлар – цифрлы сервислар, мәгълүматлар фабрикасы һ.б. турында сөйләде.
Очрашу ахырында коллегалар бер-берсенә эшләре өчен рәхмәт белдерделәр һәм киләчәк хезмәттәшлек перспективалары турында фикер алыштылар.