Татарстан компанияләренең 91%-ы цифрлы трансформациягә омтыла
Узган ел ахырында цифрлы ведомство экспертлары югары технологияләр өлкәсендәге «ИТ-парк» технопаркы һәм Strategy Partners компаниясе белгечләре белән бергә республика компанияләренең цифрлы трансформациягә әзерлеге индексын тикшерде.
Тикшеренү күрсәткәнчә, цифрлы трансформациянең мөһимлеген компанияләрнең 91% ы аңлый, ә предприятиеләрнең 24% ы цифрлы трансформация стратегияләрен эшләгән инде, әмма аларны тормышка ашыру белән акрын бара. Шул ук вакытта, цифрлы үзгәрешләрнең өстенлекле моделе итеп күпчелек компанияләр «өстән-аска» моделен сайлады.
Моннан тыш, оешмалар арасында махсуслаштырылган ИТ-кадрларга кытлык һәм эш процессларында agile-методикаларны тиешенчә кулланмау ачыкланган. Ә ясалма интеллект технологияләре - компанияләрнең цифрлы үсеше өчен иң киң таралган зоналарның берсе.
Тикшеренү икътисадның реаль секторы предприятиеләрен анкеталаштыру аша алып барылды: агро - һәм азык-төлек сәнәгате, юл төзелеше, нефть химиясе, логистика, күпләп һәм ваклап сату, сәнәгать, энергетика һәм төзелеш.
Компанияләр 6 төп фактор буенча бәяләнде:
- Бизнес-моделе һәм стратегиясе;
- Операцияләр һәм тәэмин итү чылбырлары;
- Ярдәм итүче функцияләр;
- Цифрлы инфраструктура һәм мәгълүматлар;
- Цифрлы кадрлар һәм мәдәният;
- Цифрлы трансформация белән идарә итү моделе.