Пандемиядән зыян күргән татарстанлылар түләүсез ИТ-күнекмәләр буенча укулар уза алалар

Коронавирус инфекциясе таралудан зыян күргән кешеләр WorldSkills стандартлары буенча актуаль ИТ-компетенцияләрне түләүсез үзләштерә алалар. Уку өчен гаризалар https://express.worldskills.ru сайтында кабул ителә.

Бушлай курска язылырга мөмкин:

• белем бирү оешмаларын тәмамлаучылар;
• эштән китү куркынычы астында булган кешеләр;
• эш эзләүче гражданнар.

Гомумән алганда, Татарстанда 68 һөнәри компетенция буенча (аларның кайберләре дистанцион форматта оештырылган) яңадан әзерлек үтәргә яки үз квалификацияләрен күтәрергә мөмкин.

Республикада уку 38 үзәк базасында уза. Алар арасында: МЦК-КТИТС, Казан радиомеханика көллияте, Казан халык сәнгать һөнәрләре техникумы, Халыкара сервис көллияте, Әлмәт политехника техникумы, Казан энергетика көллияте, КНИТУ-КАИ, КДЭУ һ. б.

Шулай итеп, Халыкара компетенцияләр үзәгендә - Казан мәгълүмати технологияләр һәм элемтә техникумында 13 ИТ-юнәлеш буенча укыту гамәлгә ашырыла.

• Инженерлык дизайны CAD;
• Мобиль робототехника;
• График дизайн;
• Веб-дизайн һәм эшләү;
• Видеопроизводство;
• Бизнес өчен программа карарлар;
• Мәгълүмати кабель челтәрләре;
• 3D модельләштерү өчен компьютер уеннары;
• "1С: Предприятие 8" платформасында бизнес өчен ИТ-карарлар;
• Компьютер уеннары һәм мультимедиа кушымталар эшләү;
• Мобиль кушымталар эшләү;
• Челтәрле һәм системалы идарә итү;
• Электромонтаж.

Курс ахырында барлык тыңлаучылар да квалификация турында документлар һәм һөнәри күнекмәләр дәрәҗәсен раслаучы компетенцияләр паспортлары алачаклар.

Программаны "Яшь профессионаллар (Ворлдскиллс Россия)" берлеге белән берлектә Россия Мәгариф министрлыгы оештыра. Аның максаты - халыкны эш белән тәэмин итү өлкәсендә ярдәм күрсәтү, шулай ук хезмәт базарында конкурентлылык сәләтен арттыру өчен өстәмә һөнәри күнекмәләр алу мөмкинлеге бирү.