Айрат Хәйруллин "Газпром трансгаз Казан" җитәкчелеге белән эшлекле киңәшмә уздырды
Бүген Татарстанның цифрлы үсеш министры Айрат Хәйруллин «Газпром трансгаз Казан» җитәкчелеге белән очрашты. Киңәшмәдә Татарстан Республикасы Дәүләт хезмәтләре Порталында газ белән тәэмин итү хезмәтләре исемлеген киңәйтү мәсьәләләре каралды.
Киңәшмәдә «Газпром трансгаз Казан» генераль директоры Рөстәм Усманов, «Газпром трансгаз Казан» генераль директорының икътисад һәм финанслар буенча урынбасары вазыйфаларын вакытлыча башкаручы Руслан Фәтхлисламов, «Газпром трансгаз Казан» генераль директорының җитештерү буенча урынбасары вазыйфаларын вакытлыча башкаручы Азат Тимергалиев һ. б. катнашты.
Цифрлы ведомство башлыгы билгеләп үткәнчә, бүген Татарстан Республикасы Дәүләт хезмәтләре порталы - комплекслы система, ул безнең халыкка дәүләт белән хезмәттәшлекне гадиләштерергә мөмкинлек бирә. Биредә 307 сервис һәм хезмәт күрсәтелгән, 2.5 миллионнан артык шәхси кабинет булдырылган, ә порталдан актив файдаланучылар - 460 мең татарстанлы.
Очрашу кысаларында катнашучылар газ белән тәэмин итү өлешендә порталның функционалын киңәйтү буенча уртак эш турында фикер алыштылар:
* кайбер хезмәтләргә электрон гариза бирү мөмкинлеге;
* халыкка PUSH-хәбәрнамәләр җибәрү;
• газ өчен түләү буенча мобиль кушымта аша штихкод һәм QR кодны санау һ. б.
Моннан тыш, киңәшмә барышында «Мин төзим» суперсервисы кысаларында йорт төзелеше этабында техник шартлар бирү һәм газ челтәрләренә техник тоташтыру буенча хезмәтләрне гамәлгә ашыру мәсьәләләре каралды. Исегезгә төшерәбез, "Мин төзим" - ул цифрлы сервис, анда төзелеш өлкәсендәге барлык хезмәтләрне актив режимда күрсәтәчәкләр. Аның ярдәме белән республика халкы файдалана алачак:
- җир кишәрлеген үз профильләре буенча сайларга
- төзелеш башлану турында хәбәрнамә бирергә
- адреслау
- челтәрләргә тоташуга килешү проектын алырга
- сайларга, киләчәк йорт проекты
- кадастр инженерын сайларга
- төзелеш тәмамлануы турында хәбәр итәргә
- милек хокукын теркәү
Очрашу ахырында Айрат Хәйруллин киләчәктә дә уңышлы хезмәттәшлеккә һәм яңа уртак проектларны гамәлгә ашыруга өмет белдерде.