Россия почтасына онлайн-язылу популярлыгы өч тапкыр артты
Россиялеләр онлайн – сайтта һәм Россия Почтасының мобиль кушымтасы аша вакытлы басмаларга язылуны ешрак рәсмиләштерә башладылар. Беренче яртыеллыкта дистанцион форматта 85,6 млн сумлык подписка рәсмиләштерелгән, бу 2019 елның шул ук чоры күрсәткечләреннән 106% ка артыграк.
Шул ук вакытта 2020 елның 8 аенда https://podpiska.pochta.ru/ сайтына керүчеләр саны узган ел белән чагыштырганда өч тапкырга арткан. Шул ук вакытта клиентларның шактый өлеше элеккечә үк элемтә бүлекләрендә оператор аша традицион ысул белән язылуны рәсмиләштерә.
Россия Почтасы онлайн-каталогында - 5 мең басма. Алар арасында - иҗтимагый-сәяси, күңел ачу һәм тар махсус газета-журналлар – Кирәкле басманы исеме, алфавит күрсәткечендә, журнал яки газетага язылу индексын эзләү юлына кертеп, матбугатта табарга була. Төп биттә иң популяр ММЧ белән тематик сайлаулар урнаштырылган. Россия почтасы басмаларны илебезнең барлык регионнарына китереп бирә, ә онлайнга, мәсәлән, бүләккә дөньяның теләсә кайсы почмагыннан язылырга мөмкин.
«Без кулланучылар үз-үзен тотышының ничек үзгәрүен күрәбез. Еш кына газета укучылар аны онлайн-лайн алдыруны өстен күрә. Моннан тыш, без язылуны рәсмиләштерүнең әлеге каналын сайлаган өлкән яшьтәге клиентларның өлеше артуны да теркибез. 2020 елда, 2019 ел белән чагыштырганда, ул 22,5% ка артты", - дип билгеләп үтә Россия Почтасы генераль директорының почта бизнесы һәм социаль хезмәтләр буенча урынбасары Ярослав Мандрон.
«Игелек агачы» федераль хәйрия программасы кысаларында социаль учреждениеләр адресына онлайн рәсмиләштерелгән журналлар һәм газеталар саны ел саен арта бара. 2020 елның гыйнвар-июнь айларында 2 100дән артык балалар йорты, картлар йортлары, хастаханәләр һәм авыл китапханәләре карамагындагылар адресына 3 150 басма онлайн рәсмиләштерелгән. 2019 елның беренче яртыеллыгына үсеш 165% тәшкил итте.
Исегезгә төшерәбез, 2021 елның беренче яртыеллыгына язылу кампаниясе 1 сентябрьдә старт алды. Вакытлы басмаларны Россия Почтасының сайтында яки мобиль кушымтасында, почта бүлегендә һәм почтальоннарның мобиль почта-касса терминаллары аша яздырырга мөмкин.