Иннополис университеты Java буенча бушлай курсларга кабул итүне ачты
17 августта россиянең әйдәп баручы ИТ-вузында Java программалаштыру буенча бушлай белем бирү курсы башлана. Укуларын уңышлы тәмамлаган тыңлаучылар «Ай-Теко инновацион үзәге» ИТ-компаниясенә эшкә чакыру алачаклар. Катнашу өчен гаризаны сылтама буенча калдырырга мөмкин.
Дәресләр Иннополис Университетында көндезге форматта узачак: атнага биш тапкыр, көненә алты сәгать. Курс тыңлаучылары өчен вуз кампусында бушлай яшәү оештырылачак.
Ике айлык курс эчендә катнашучылар Java Core үзләштерәчәк, Spring белән эшләргә һәм проектлау паттерын Java сәнәгать эшләнмәсе инструментлары һәм технологияләрен: JMS, NoSQL, Apache Ignite өйрәнәчәкләр.
Курс тыңлаучысы булу өчен гариза бирергә, керү тестын тапшырырга, резюме җибәрергә һәм онлайн-әңгәмә узарга кирәк.
Курска таләпләр:
- Java нигезләрен белү;
- SQL белү ;
- ОППНЫҢ төп принципларын, мәгълүматлар структураларын һәм алгоритмнарны белү;
- Программалаштыруның объект юнәлешле телләрендә 1 елдан башлап эшләү тәҗрибәсе һ. б.
Курсны тәмамлаучылар «Ай-Теко инновацион үзәге» ИТ-компаниясенә Мәскәүгә реклакация ясау буенча стажер-эшләүче вазыйфасында гарантияле рәвештә эшкә урнаша алачаклар.
Тулырак мәгълүмат һәм курс программасы белән түбәндәге сайтта танышырга мөмкин - careerdev.ru.