ТР Цифрлы үсеш министрлыгы Әлмәттә балалар йортына журналларга язылуны рәсмиләштерде
Татарстан Республикасы Цифрлы үсеш министрлыгы хезмәткәрләре Россия Почтасының «Игелек агачы» хәйрия акциясендә катнаштылар. Безнең белгечләр рәсмиләштергән басмаларга язылу «Әлмәт балалар йорты»на җибәреләчәк.
«Игелек агачы» акциясе кысаларында битараф булмаган халык балалар йортларына, интернат-мәктәпләргә, картлар йортларына, авыл китапханәләренә һәм башка социаль учреждениеләргә журналларга һәм газеталарга язылу бүләк итә ала.
Бүген акциядә ТР Цифрлы үсеш министрлыгы хезмәткәрләре катнашты. Безнең белгечләр тарафыннан «Салават күпере», «Непоседа», «Ялкын», «Кузя һәм дуслар», «Кызык наклейкалар», «Кечкенә академиклар» журналларына 10 данәдән торган бүләк язылу оештырылды. Тиздән аларны Әлмәт районындагы балалар йортында тәрбияләнүче балалар алачак.
«Игелек агачы» хәйрия акциясе 1-нче июньдә старт алды һәм 10 көн дәвам итәчәк, алар дәвамында 30% - ка кадәр ташлама белән 1 300-дән артык басманы язып була. Бу-бизнес-газеталар, күңел ачу, профессиональ, тармак һәм башка басмалар.
Игелекле эш башкару - бик гади. Бүләк язмасын акция битендә, Россия Почтасының мобиль кушымтасында һәм өйдә почтальон аша рәсмиләштерергә була. Шулай ук оешмалар һәм компанияләр дә катнаша һәм журналлар һәм газеталар бүләк итә ала.