Бизнес өчен КФҮ: эшкуарлар өчен 69 хезмәт
Республиканың күп функцияле үзәкләренең барлык 59 офисларында эшкуарлар бизнес өчен 69 дәүләт һәм муниципаль хезмәт күрсәтүне рәсмиләштерә алалар.
«Минем документлар» офисларында эшмәкәрләр 16 ведомство һәм оешма хезмәтләрен ала алалар:
- ТР Хезмәт, мәшгульлек һәм социаль яклау министрлыгы;
- ТР Икътисад министрлыгы;
ТР Урман хуҗалыгы министрлыгы;
- ТР Җир һәм мөлкәт мөнәсәбәтләре министрлыгы;
ТР буенча ЭЭМ;
- ТР буенча ФСХИ һ. б.
Юридик затлар өчен КФҮ офисларында күрсәтелә торган хезмәтләр исемлегенә, аерым алганда, керә:
- ТР милкендә булган җирләрдән җир кишәрлеген бирүне алдан килештерү;
- ТР Дәүләт милке реестрыннан мәгълүмат бирү;
- юридик затларны, физик затларны шәхси эшмәкәрләр һәм крестьян (фермер) хуҗалыклары сыйфатында дәүләт теркәве;
- салым түләүчеләрнең бердәм дәүләт реестрыннан өземтә бирү;
- салым, җыемнар, пенялар, штрафлар, процентлар буенча исәп-хисапларның торышы турында белешмә бирү турында соратып алу;
- банкта исәп-хисап счеты ачу өчен юридик затларның һәм шәхси эшкуарларның гаризаларын кабул итү;
- юридик зат уставын төзү;
- федераль милек реестрыннан өземтәләр бирүне билгеләнгән тәртиптә гамәлгә ашыру һ.б.
Статистика буенча, Росреестр һәм ФСХ хезмәтләре аеруча популяр.
Агымдагы елның дүрт аенда КФҮ офисларында юридик затлардан Росреестр хезмәтләре буенча 58 меңгә якын мөрәҗәгать кабул ителгән,ә федераль салым хезмәте хезмәтләре буенча - 5 316 мөрәҗәгать (5 меңгә якын документ бирелгән).
Гомумән алганда, 2020 елның гыйнварыннан апрель аена кадәр КФҮ офисларында 719 меңгә якын хезмәт рәсмиләштерелгән, 540 мең документ бирелгән.