54 меңгә якын татарстанлы ЮХИДИ электрон штрафларын рәсмиләштерде
Бүгенге көндә республиканың 54 меңгә якын кешесе ТР Дәүләт хезмәтләре порталында ЮХИДИ штрафлары турындагы карарларга электрон рәвештә язылган.
Исегезгә төшерәбез, узган елның августыннан республикада яшәүчеләрнең юл хәрәкәте кагыйдәләрен бозган өчен штрафлар турындагы карарларны электрон рәвештә алу мөмкинлеге барлыкка килде. Мондый түләүсез сервис ТР Дәүләт хезмәтләренең бердәм порталында гамәлгә ашырылды.
Бу сервис татарстанлыларга оператив рәвештә, тоткарлыксыз, ЮХИДИ штрафлары турында хәбәрнамәләр алырга мөмкинлек бирә. Карарлар электрон почтага хәбәр итү рәвешендә генә түгел, ә Push-ТР Дәүләт хезмәтенең мобиль кушымтасы аша да килә.
Сервис ярдәмендә республика халкы:
- карарның күчермәләрен алу өчен почта бүлекчәләренә бару өчен үз вакытын тотмыйлар;
- бозу турында тулырак мәгълүмат алалар;
- штрафны ташламалы чорда түләү мөмкинлеген калдырмыйлар (салынган штрафның яртысын түләү).
Хәзерге вакытта ЮХИДИ штрафлары турында онлайн-хәбәрнамәләр хезмәтенә 53 975 кеше тоташтырылды. Шул ук вакытта, агымдагы ел башыннан бирле яңа сервис кулланучылары 17 277 татарстанлы булды.
ЮХИДИ штрафлары турында онлайн-хәбәрнамәләр алу өчен ТР Дәүләт хезмәтләре порталында Шәхси кабинет аша язылырга мөмкин. Шунда ук сез сервис мөмкинлекләре турында тулы инструкция һәм тулырак мәгълүмат таба аласыз.