"Көн саен тормышны коткаручыларга ярдәм итәргә": ICL Казан табибларына компьютерлар тапшырды
Шушы көннәрдә ICL компанияләр төркеме Казанның бер клиник хастаханәсе табибларына һәм мәктәп укучыларына дистанцион укыту өчен компьютерлар тапшырды. Техниканы "РТЮ-Медицина" клиник хастаханәсе " ДАССО үз карамагына алды.
"Без көн саен тормышларын саклап калучыларга ярдәм итү мөмкинлеген һәм кирәклеген күрәбез, - дип шәрехләде әлеге карарны ICL компанияләр төркеме җитәкчесе Виктор Дьячков. – Шулай итеп тимер юл хастаханәсенә - төбәкнең иң эре дәвалау учреждениеләренең берсе – яңа җиһазлар бирү идеясе барлыкка килде. Бүген табибларның һәр секунды исәптә, шуңа күрә, тапшырылган җиһазлар алдынгыларына кыйммәтле вакытны янга калдырыр дип өметләнәм».
Тимер юл хастаханәсенең баш табибы Олег Галиуллин: "Безнең хастаханә коллективы ICL компанияләре төркеменә күрсәтелгән ярдәм өчен рәхмәт белдерә. Барлык техника пациентларга оператив ярдәм күрсәтүне оештыруга юнәлдерелгән. Бу ярдәм, бигрәк тә хәзерге заман шартларында, безнең көндәлек медицина эшчәнлегендә бик мөһим. Без сезнең региональ медицина үсешенә керткән өлешегезне югары бәялибез".
ICL компьютерлары һәм ноутбуклары шулай ук "Казан шәһәре" шәһәр округында халыкка социаль хезмәт күрсәтү комплекслы үзәге" дәүләт автоном учреждениесе белән берлектә әлеге үзәктә хезмәт күрсәтүче аз керемле гаиләләргә тапшырылачак.
"Мәгариф системасы хәзер тулысынча онлайн-форматка күчте. "Без, халыкка социаль хезмәт күрсәтү үзәген җәлеп итеп, катлаулы икътисади вәзгыять шартларында, аз керемле гаиләләрдәге балаларга белем бирүне дәвам итү өчен, утыз компьютер тапшырып, халыкның иң йомшак катламнарына ярдәм итәргә булдык", - дип билгеләп үтте ICL системалы технологияләр генераль директоры Ирек Азизов.
Исегезгә төшерәбез, ICL ГК даими рәвештә хәйрия акцияләрендә һәм шәһәр һәм Татарстан Республикасының социаль проектларында катнаша. Пандемия һәм катлаулы икътисади хәл шартларында компанияләр төркеме ТР Президентының республика предприятиеләре һәм оешмаларының «Янәшәдә ярдәм» иҗтимагый хәрәкәтендә катнашуы турындагы инициативасын хуплады.