ИТ-парк «Вакыт бәйләнеше» виртуаль фотокүргәзмәсен башлап җибәрде

ИТ-парк командасы Бөек Җиңүгә хәрби элемтәчеләрнең керткән өлешләренә багышланган «Вакыт бәйләнеше» исемле виртуаль фотокүргәзмә оештырды.

Быел Бөек Ватан сугышында җиңүгә 75 ел тула. Бу Җиңү сугыш кырында да, тылда да хезмәт куйган бөтен совет халкы ярдәмендә мөмкин булды. Геройларның батырлыгын истә тоту һәм олылау мөһим.

Сугыш елларында хәрби хәрәкәтләр вакытында элемтәчеләр тотрыклы элемтәне тәэмин итә. Шуңа күрә ИТ-парк командасы Бөек Җиңүгә хәрби элемтәчеләрнең керткән өлешләренә багышланган «Вакыт бәйләнеше» исемле виртуаль фотокүргәзмә оештырды. Виртуаль күргәзмә түбәндәге сылтама буенча кереп була: https://itpark кtech/3dmuseum/tour.html

Күргәзмә урыны очраклы гына сайланмаган - бу ИТ-паркның тарихи бинасы, ул XVIII гасыр ахырында-XIX гасырның беренче яртысында төзелгән һәм хәрби казарма буларак кулланылган. Бөек Ватан сугышы елларында бу бинада Татарстан АССР Хәрби комиссариатының җыелма пункты урнашкан. Монда фронтка озатылган кушылмалар һәм частьләр формалашкан.