Электрон хезмәтләрдән файдаланып, 2012 елда Татарстанда яшәүчеләр 1,4 миллиард сум акча янга калдырды

Электрон хезмәтләрдән файдаланып, татарстанлылар ай саен 850 мең сум акча экономияли. Бу санны бүген Министрлар Кабинетында узган брифингта  ТР Премьер-министры урынбасары- Мәгълүматлаштыру һәм элемтә министры Роман Шәйхетдинов атады.

Ай сан портал, инфоматлар һәм мобиль кушымталар аша уртача 1, 7 миллион электрон хезмәт күрсәтелә. “Әгәр чиратта торуны иң аздан да  30 минут дип санасак, электрон хезмәтләрдән файдаланучы гражданнар минимум 850 мең сәгать янга калдыра”,- диде министр. – 8 сәгатьлек эш көне, уртача 22,7 мең сум эш хакы белән санасак, файда 115 миллион сум була, дигән сүз”.

Татарстанлыларга  2012 елда 16 миллион  дәүләти һәм социаль яктан мөһим булган хезмәт күрсәтелде. Бу төр хезмәт һаман киңрәк  тарала. 2012 елда хезмәтләр өчен, дәүләт пошлиналары һәм штрафлар түләү 1,7 миллион тапкыр электрон рәвештә кулланылды. Түләм – 640 миллион сум (1,6 тапкыр арткан). “Электрон рәвештә түләү тере акча белән түләүгә караганда артты һәм киләчәктә тагын да артачак”,- дип азсызыклады министр.

Узып баручы елда ТР Мәгълүматлаштыру һәм элемтә министрлыгы иң популяр булган һәм социаль яктан мөһим булган, көн саен кирәкле хезмәтләрне үстерүгә акцент ясады, диде Роман Шәйхетдинов.

Татарстан буенча йорт хуҗалыкларының 90 проценты лицевой счет белән идарә итү хезмәтенә тоташкан. Ягъни, кешеләр шәхси кабинетлар аша бүген торак-коммуналь хезмәтләр  өчен онлайн түли, шул ук вакытта счет-фактурага счетчиклар күрсәтүен яза, башка түләүләрен электрон формада карап бара ала.

Декабрьдә Татарстанның 80 дәвалау учреждениесендә һәм аларның 120 филиалында врачка электрон рәвештә язылып була. 2013 ел февраленнән башлап, “Услуги РТ” мобиль версиясендә дә бу хезмәт булачак, диде министр.

2013 ел, министр сүзләренә караганда, смартфоннар өчен мобиль кушымталар хезмәтен җәелдерүгә багышланачак. “Электрон хезмәтләрнең киләчәге смартфоннарда. Хәзер “Услуги РТ “ версиясе iOS платформасына көйләнгән. Беренче яртыеллыкта Android та аналог булачак. Әлегә мобиль кушымта буенча бары 4 төр хезмәт кенә алып була. Чагыштыру өчен, дәүләт хезмәтләре порталы   138 төр хезмәт тәкъдим итә.

Тулаем алганда, киләсе елда электрон хезмәтләр саны икеләтә артачак. Яңалыклардан – врачка язылу, автомобиль йөртүчеләргә парковкалар хакында мәгълүмат тапшыру, авомобильләр эвакуацияләү хакында мәгълүмат бирү.

Чыгышы ахырында, министр “Халык контроле” системасы эше нәтиҗәләре хакында сөйләде.  25 декабрьгә алынган заявкаларның  40 процентына – 2089 заявкага “Заявка үтәлде” статусы куелды. 1771 заявка “Мотивланган кире кагу” статусы алды.

2012 елда “Халык контроле” системасы Татарстан Республикасы Дәүләт Советы депутатлары өчен дә актуаль мәсьәләләр мониторингы инструменты булачак, диде Роман Шәйхетдинов.