Татарстанда КФҮ алдан язылу буенча эшли башлый
Бүгенге көннән күп функцияле үзәкләр офислары махсус режимда эшли башлый: килүчеләрне алдан язылу буенча кабул итәчәкләр. Үзәк хезмәткәрләре бер-берсеннән имин арада булсын өчен, 800 тәрәзәдән яртысы эшләячәк.
КФҮтә алдан язылу буенча кабул итү түбәндәге хезмәтләр буенча башкарылачак:
Росреестр Хезмәтләре:
- хокукларны дәүләт теркәве һәм кадастр исәбенә алу;
- ЕГРНнан мәгълүмат бирү;
- өстәмә документлар кабул итү.
ТР буенча ЭЭМ хезмәтләре:
- РФ гражданины паспорты;
- РФ гражданнарын теркәү исәбенә алу;
- чит ил гражданнарын миграция исәбенә алу.
Пенсия Фонды Хезмәтләре:
- мәҗбүри пенсия иминияте системасында теркәлү, иминият таныклыгының дубликатын алу яки бирү турында гаризалар кабул итү (СНИЛС);
- Россия Федерациясендә гражданнарның аерым категорияләренә айлык акчалата түләү билгеләү;
- пенсия тупланмалары акчаларын формалаштырганда һәм инвестицияләгәндә аларның хокукларын гамәлгә ашыру максатларында иминләштерелгән затларның гаризаларын кабул итү, карау һәм алар буенча карарлар кабул итү;
- иминият пенсияләрен, тупланма пенсияләрне һәм дәүләт пенсия тәэминаты буенча пенсияләрне түләү;
- Пенсиягә федераль социаль өстәмә билгеләү;
- РФ территориясендә ял итү урынына бару һәм кире кайту өчен картлык һәм инвалидлык буенча иминият пенсияләрен алучы һәм ерак төньяк районнарында яшәүче пенсионерларга һәм аларга тиңләштерелгән урыннарда бару өчен түләү чыгымнарын компенсацияләүне бирү.
Алданган өлешчеләр фонды хезмәтләре:
- РФ финанс һәм фонд базарларында зыян китергән гражданнарга компенсация түләүләрен гамәлгә ашыруга гаризалар кабул итү.
ТР Мәгариф һәм фән министрлыгы хезмәтләре:
- ятим балаларны һәм ата-ана каравыннан мәхрүм калган балаларны, ятим балалар һәм ата-ана тәрбиясеннән мәхрүм калган балалар арасыннан булган затларны, ятим балалар һәм ата-ана тәрбиясеннән мәхрүм калган балалар категориясенә караган затларны, ятим балалар һәм ата-ана каравыннан мәхрүм калган балалар арасыннан булган затларны торак урыннары белән тәэмин ителергә тиешле 23 яшькә җиткән затларны торак белән тәэмин итү турында гаризалар кабул итү.
Башка хезмәтләр:
- муниципаль хезмәтләр;
- ЕСИА хезмәтләре;
- КФҮнең түләүле хезмәтләре;
- Үлемсез полк;
- Физик затлар өчен ЭЦП;
- Машина йөртүче картасы.
Моннан тыш, КФҮ офисларында әзер документларны бирү эше дәвам итәчәк.
Кабул итүгә гаризаны колл-үзәк (8-843-222-06-20) номерына шалтыратып калдырырга яки ТР Дәүләт хезмәтләре порталында электрон чиратка язылырга мөмкин.
Исегезгә төшерәбез, элегрәк шулай ук үз-үзеңне изоляцияләү чорында өйдән чыгу өчен максатлар исемлеген киңәйтү турында игълан ителгән иде. Әйтик, гамәлдәге тугыз сәбәпкә яңа, унынчысы – КФҮ һәм Пенсия фонды бүлекчәләренә бару өстәлә.