Россиядә «Интернетка рәхмәт – 2020» VI Бөтенроссия конкурсы башланды
2020 елның 7 апрелендә «Интернетка рәхмәт – 2020» VI Бөтенроссия конкурсына эшләр кабул итү башлана. Бәйге «Интернет әлифбасы» хәйрия проекты кысаларында үткәрелә.
Конкурста компьютерда һәм челтәрдә мөстәкыйль рәвештә, махсус компьютер курсларында эшләргә өйрәнгән 50 яшьтән өлкәнрәкләр Интернеттан файдаланучылар катнаша ала.
Конкурс номинацияләре:
- «Gosuslugi.ru порталы: минем тәҗрибә»;
- «Минем интернет-казанышларым»;
- «Интернет-эшмәкәр, интернет-эш бирүче»;
- «Минем иҗтимагый интернет-инициативам»;
- “Минем интернет әлифбам»;
- «Мин — интернет-йолдыз".
Конкурсның максатлары:
- дәүләт электрон хезмәтләренең үтемлелеген арттыру, озын гомерле булуга ярдәм итү;
- "яшь пенсионерлар"ны эш белән тәэмин итү мәсьәләләрендә ярдәм итү;
- бу тема буенча эшләүче иң актив төбәкләрне ачыклау;
- заманча телекоммуникацион технологияләр үсеше һәм куллану турында уңай җәмәгатьчелек фикерен формалаштыру;
- пенсионерлар өчен аеруча актуаль интернет-ресурслар билгеләү;
- иң актив регионнарны ачыклау;
- "Интернет әлифбасы" укыту порталын алга этәрү.
Конкурс эшләре 2020 елның 14 октябренә кадәр кабул ителә, конкурска нәтиҗәләрне 2020 елның ноябрендә чыгару планлаштырыла.
Конкурста катнашу өчен www.azbukainterneta.ru/konkurs сайтында гариза бирергә , конкурс эшен — конкурс номинацияләренең бер темасы буенча язылган эссе, шулай ук фотографияләр куярга кирәк. Җиңүчеләрне «Ростелеком», РПФ, Түбән Новгород өлкәсенең социаль сәясәт министрлыгы, Россия электрон коммуникацияләр ассоциациясе һәм региональ интернет-технологияләр иҗтимагый үзәге вәкилләре кергән конкурс комиссиясе әгъзалары билгеләячәк.
Барлык эшләр дә azbukainterneta.ru сайтының «Конкурс эшләре» бүлегендә урнаштырылган.