200 меңнән артык татарстанлы цифрлы пропуск алды
Цифрлы пропуск бирү SMS-системасында теркәлгән кулланучылар саны өч тапкыр арткан. Хәзерге вакытта сервиста 200 меңгә якын кеше теркәлгән.
Исегезгә төшерәбез, атна уртасында Татарстанда гомуми изоляция чорында республика халкына үз йортларын легаль рәвештә ташлап китәргә мөмкинлек бирүче система эшли башлады. Проектны эшләтеп җибәрү өстендә Татарстан Республикасы Цифрлы үсеш министрлыгы командасы "Ак Барс Банк" Цифрлы трансформация үзәге белгечләре белән берлектә эшләде.
Системаны 200 меңгә якын татарстанлы теркәгән инде. Ике көн эчендә республикада 203 меңгә якын цифрлы пропуск бирелгән.
IT-белгечләр сервис сыйфатын арттыру өстендә эшне дәвам итәләр. Системаның беренче эш сәгатьләрендә кешеләрнең SMS-пропускларны рәсмиләштергәндә билгеле бер кыенлыклар туса, бүген идентификация кодын алу уртача вакыты - 56 секунд (90% запросларда хәбәр 20 секунд эчендә килә).
Шул ук вакытта өйдән чыгу өчен иң кирәкле сәбәпләрнең берсе: эшкә яраксыз туганнарга ярдәм итү, дачага чыгу һәм медицина һәм кредит оешмаларына бару.
* 15: 00 03.04.2020