ТР Цифрлаштыру министрлыгы региональ IT-чишелешләрне алга этәрү өчен цифрлы МИЗ булдырырга тәкъдим итте
Татарстанда Республика мәгълүмати технологияләр үзәге базасында региональ санлы сервисларны алга җибәрү өчен виртуаль махсус икътисади зона булдырырга тәкъдим иттеләр. Бу инициатива белән вице-премьер Дмитрий Чернышенкога ТР Дәүләт идарәсенең Цифрлы үсеш, мәгълүмати технологияләр һәм элемтә министры Айрат Хәйруллин Иннополиста булганда мөрәҗәгать итте.
Виртуаль зона проектларының берсе - типик региональ һәм муниципаль санлы карарларның «супермаркеты» булачак, бу Россия төбәкләрендә «Цифрлы икътисад» илкүләм проектын гамәлгә ашыруны тизләтәчәк һәм арзанайтачак.⠀
Виртуаль махсус икътисади зонасы үз эченә нәрсәләрне алачак?⠀
- икътисадый кызыксындыру чаралары (табышка салым һәм НДС буенча ташламалар, мөлкәткә салым буенча ташламалар, электр энергиясенә бәяләрне киметү);
- административ һәм җайга салу ташламалары (салым контроле һәм НДС белән идарә итү процедураларын гадиләштерү);
- институциональ һәм методик ярдәм (халыкара базарларда Россия дата-үзәкләренә дәүләт ярдәме).⠀
Цифрлы трансформация командасы шулай ук "Government as a Service" (GaaS) идеясен киң колачларга тәкъдим итә. «Безнең тәкъдимдә Дәүләт актив режимда халыкка аларның проблемаларын хәл итүдә ярдәм итәчәк сервис буларак булырга тиеш. Бу идеяне гамәлгә ашыру өчен без Татарстан суперсервисларын - «Мин төзим», «Мин-ӘНИ» һ.б. ясыйбыз», - дип билгеләп үтте ТР финанслар министры Айрат Хәйруллин.