Иннополиста Open Innovations Startup Tour проектлары конкурсына гаризалар 1 мартка кадәр кабул ителә
Open Innovations Startup Tour Бөтенроссия Open Innovations Startup Tourның региональ этабы Иннополиста 11 һәм 12 мартта узачак. Стартаплар конкурсында җиңүчеләр Startup Village - Россиядә һәм БДБда иң эре технологик эшкуарлар конференциясенә чакыру алачак. Конкурска гаризалар 1 мартка кадәр кабул ителәчәк.
Startup Tour кысаларында "Сколково" Фонды һәм башка үсеш институтларының әйдәүче экспертлары технологик эшмәкәрләр белән эшләү тәҗрибәсе белән уртаклашачак, ә хакимият, бизнес, фән һәм мәгариф вәкилләре Татарстанда "Россия Федерациясенең цифрлы икътисады" милли программасын гамәлгә ашыру мәсьәләләре буенча фикер алышачак.
Айрат Хәйруллин, Татарстан Республикасы дәүләт идарәсенең цифрлы үсеше, мәгълүмати технологияләр һәм элемтә министры: «Татарстанда югары технологияләр өлкәсе массакүләм һәм кызыклырак була бара. Республиканың IT-сегментында бүген 3000гә якын компания эшли, алар 43 мең эш урыны белән тәэмин итә. Төбәктә югары технологияле проектларны үстерү өчен барлык шартлар да эшли. Россиянең беренче IT-шәһәре Иннополисның нәкъ менә бездә оештырылуы очраклы түгел. Татарстан үз үсешенең цифрлы этабына керде инде, ә якындагы елларда цифрлаштыру тормышның барлык өлкәләренә дә кагылачак. Ахыр чиктә, "Сан" республика халкына файда китерергә һәм аларның тормыш-көнкүрешен яхшыртырга тиеш".
Инновацион проектлар конкурсы чараның төп вакыйгасы булачак. Быел ул өч юнәлеш буенча үткәрелә - мәгълүмат технологияләре, индустриаль һәм энергетика технологияләре, медицина һәм авыл хуҗалыгында биотехнологияләр. Конкурсантлар акчалата бүләк һәм «Старт» программасында катнашу мөмкинлеге өчен көрәшәчәк.
Пекка Вильякайнен, «Сколково» фондының Директорлар советы әгъзасы: «Startup Tour гранд - финал җиңүчесе һәр төбәктә 300 мең сум һәм Startup Village конференциясе кысаларында "Сколково" да узачак бәйгенең ярымфиналына юллама ала. Моннан тыш, чара мәйданчыгында кайбер стартаперлар үз компанияләре өчен шәхси инвесторлар таба ала. Тик шулай да, минемчә, акча - безнең конкурста катнашу өчен төп сәбәп түгел. Мин һәрвакыт эшкуарларга яңа белемнәр, кызыклы танышулар, тәҗрибә уртаклашу проектларын үстерүгә теләсә нинди акчадан да яхшырак ярдәм итәчәк, дип әйтәм".
Startup Tour конкурсында Татарстаннан гына түгел, башка төбәкләрдән дә технологик эшкуарлар катнаша ала. Моның өчен 1 март ахырына кадәр проектның рәсми сайтында теркәлергә һәм шәхси кабинетта гариза калдырырга кирәк.