Татарстан Республикасы Мәгълүмати технологияләр һәм элемтә техникумында 5 яңа остаханә булдырылды
Халыкара компетенцияләр үзәге - Казан мәгълүмати технологияләр һәм элемтә техникумы «Мәгариф системасын үстерү һәм мониторинглау өлкәсендә инновацияләргә ярдәм итү» ведомство максатчан программасы кысаларында Россия Федерациясе Мәгариф министрлыгыннан грант бирү өчен конкурста катнашты һәм җиңүче булды. Бу җиңү аркасында техникумда 5 яңа остаханә эшли башлады.
«Мәгълүмати кабель челтәрләре», «Челтәрле һәм системалы идарә итү», «Бизнес өчен «1С: Предприятие 8» платформасында ИТ –карарлар», «Компьютер һәм мультимедиа кушымталарын эшләү» һәм «Виртуаль һәм өстәмә чынбарлыкны эшләү» кебек яңа остаханәләрдә төбәк икътисады өчен квалификацияле белгечләр әзерләү гамәлгә ашырыла.
Остаханәләр 70 һәм аннан да күбрәк эш урынына исәпләнгән. Алар белем бирү процессын тормышка ашыру, аттестация процедурасын үткәрү кысаларында проект дәресләре өчен педагогик хезмәткәрләр, шулай ук производствога өйрәтү мастерлары, шулай ук белем бирү программаларын челтәрле формада гамәлгә ашыруга җәлеп ителгән башка затлар файдалана ала. Биш яңа мәйданчыкны ачу булачак белгечләрдә 21 гасыр компетенцияләрен формалаштыруга, укучыларның белем казанышларын бәяләүнең яңа формаларын үстерүгә ярдәм итә, заманча белем бирү технологияләрен кулланып, проект формасында лаборатор эшләр һәм практик дәресләр үткәрергә мөмкинлек бирә, һәм, гомумән алганда, WorldSkills Russia стандартлары буенча демонстрацион имтихан нигезендә арадаш һәм йомгаклау аттестациясен үткәрү мәйданчыгы булды.