ИТ-парк Бизнес-инкубаторына сигезенче бәйгегә заявкалар кабул ителә башлады

Казан ИТ-паркының Бизнес-инкубаторына урнашу өчен сигезенче тапкыр конкурс игълан ителде. Яхшы идеясы һәм аны тормышка ашырырга теләге булган һәркем өчен бу бәйге ачык. Монда белгечләр һәм ИТ-паркның күпсанлы партнерлары – эре ИТ-компанияләр җитәкчеләре, инвесторлар һәм экспертлар -  ярдәмендә талантлы яшьләр үзләрен бик тиз арада күрсәтәләр.

Заявкалар 2012 елның 26 июленә кадәр кабул ителә. Бәйге 4-5 авугстта булачак. Заявка бирү өчен ИТ-парк Бизнес инкубаторы сайтында форма тутырырга кирәк.

Шулай ук 3 августка кадәр 25 августта ачылачак Яр Чаллы Бизнес-инкубаторына заявкалар кабул итү бара. Заявка бирү өчен проект турында язганда заявканың Яр Чаллы ИТ-паркы Бизнес-инкубаторына бирелүен билгеләргә кирәк.