«Иннополис» МИЗ аэротакси эшләүчеләре белән хезмәттәшлек турында сөйләштеләр
"Иннополис" махсус икътисадый зонасы һәм McFly.аero халыкара альянс аэротакси нигезендә яңа транспорт системаларын эшләү һәм гамәлгә кертү буенча уртак эш турында килештеләр. Бүген Иннополиста McFly.aero белән Иннополис арасында хезмәттәшлек перспективалары темасына түгәрәк өстәл барышында тиешле меморандум имзаланды. Очрашуда «Иннополис» МИЗ вәкилләре, аэротакси эшләүчеләр, махсус икътисадый зона резидент-компанияләре, шәһәр мэриясе вәкилләре катнашты.
Халыкара һава мобильлеге альянсы McFly.aero – яңа типтагы кече авиация шәһәр мохитендә үсеш өчен экосистеманы булдыру өчен төзелгән авиация тармагы профессионалларының коммерцияле булмаган берләшмәсе: мультикоптерлар, электр тарткасында очу һәм утырту.
Очрашуны ачып, "Иннополис" МИЗ" АҖ генераль директоры Ренат Хәлимов махсус икътисадый зона өчен иң алдынгы технологик проектларда катнашу мөһим, дип ассызыклады.
Тармак экспертлары очрашуда катнашучыларга һава транспортының яңа төрләре өлкәсендәге эшләнмәләрнең агымдагы торышы турында сөйләделәр. Транспортның яңа төрен актив кертү өчен, очу аппаратларының үзләре эшләүдән тыш, инфраструктура өлкәсендә бәйле күп кенә конструкторлык карарлары кирәк. Аэротакси үсешенә махсус икътисадый зона резидент – компанияләре дә, шәһәр җитәкчелеге дә ярдәм итә ала. Аэротакси өчен үз мөмкинлекләрен һәм тәкъдимнәрен «Иннополис» МИЗ резидентлары консорциумы Smart City һәм «Еора Дата Лаб» резиденты тәкъдим итте.
Түгәрәк өстәл ахырында «Иннополис» махсус икътисадый зонасы һәм "McFly" альянсы арасында үзара аңлашу турындагы Меморандумга кул куелды. Беренче документка "Иннополис" МИЗ генераль директоры Ренат Хәлимов һәм «Макфлай Раша» генераль директоры Артем Харченко кул куйды.
Меморандум Иннополиста җир өсте инфраструктурасының интеграцияләнгән технологик комплексын һәм һава хәрәкәте белән идарә итү системаларын бергәләп эшләүне, шул исәптән «Акыллы шәһәр» системалары өчен МИЗ резидентлары тарафыннан эшләнелә торган технологияләр базасында транспорт һәм туристлык хезмәтләрен прототиплаштыру буенча лаборатория булдыруны, яшь белгечләрне яңа транспорт системаларын гамәлгә кертү буенча гамәли бурычларны хәл итүгә җәлеп итү юлы белән мәгариф өлкәсендә хезмәттәшлекне үстерүне, җайга салуны әзерләү һәм лобблаштыруны (аппаратларны сертификацияләү, шәһәр инфраструктурасын куллану, шәһәр инфраструктурасын, Иннополистагы аэротакси өчен очып китү-утырту мәйданчыклары булдыру) күздә тота.
Фото: «Иннополис» МИЗ.