"Иннополис" МИЗ - 6 ел!
Бүген "Иннополис" махсус икътисадый зонасына 6 ел тула. 2013 елның 1 нче мартында"«Иннополис" МИЗ" ААҖ идарәче компаниясе теркәлде.
Махсус икътисадый зона идарәче компаниясе үзенең масштабы буенча уникаль яңа шәһәр булдыру проектын тормышка ашыруда актив катнашты. «Иннополис» МИЗ» ААҖ - шәһәрнең күпчелек инфраструктура объектлары заказчысы. Һәм бүген Иннополис йортларында һәм офис биналарында җылылык, су һәм электр – бу Идарәче компания хезмәткәрләренең казанышы.
Билгеле булганча, Иннополис шәһәренең ачылуы 2015 елның 9 нчы июнендә узды - бу вакытка Попов исемендәге технопарк һәм шәһәрнең барлык инженер инфраструктурасы төзелде. Тиздән МИЗның беренче резидентлары да барлыкка килде.
2015 елның 28 нче августында махсус икътисадый зонаның Күзәтү советы МИЗ резиденты статусын алуга дәгъва кылучы беренче 5 компания проектын карады. Ел ярымнан соң "Иннополис" МИЗ резидентлары саны 50 компания билгесеннән артып китте. Бу еллар дәвамында МИЗ күзәтчелек советын Татарстан Республикасы Президенты Рөстәм Миңнеханов җитәкли. Аның шәхси ярдәме махсус икътисадый зона уңышының һәм гомумән Иннополис проектының мөһим өлеше булып тора.
Бүген "Иннополис" махсус икътисадый зонасы - 76 резидент һәм 9 партнер, инвестицияләрнең гомуми күләме 7 миллиард сумга якын һәм 2300 хезмәткәр. Технопаркта "компанияләр стендында". Попов исемендәге технопаркта "компанияләр стендында" Acronis, МТС, Schneider Electric, "Яндекс", "Саклык банкы" кебек танылган халыкара һәм Россия уенчыларының логотипларын күрергә мөмкин. Ә алар янында бизнес гигантларының уңыш үрнәкләре белән илһамландыра торган Татарстан яшь компанияләренең табличкалары урнашкан. Нәкъ менә бу уникаль мохит - ИТ-компанияләр һәм проектны эшләүче талантлы командалардан, анда кыю идеяләр барлыкка килә һәм алдынгы проектлар гамәлгә ашырыла, Иннополисның төп байлыгы булып тора. Һәм махсус икътисадый зона бу мохитне булдыру һәм үстерүгә – шәһәр Мэриясе һәм Иннополис Университеты белән тыгыз хезмәттәшлектә зур өлеш кертә.
МИЗның 6 еллыгына кадәр Попов исемендәге технопаркта Россия Президенты Владимир Путин рәислегендә Россия Федерациясе Дәүләт Советы Президиумы утырышы узды. Бу чараны оештыру һәм үткәрү "Иннополис" махсус икътисадый зонасы идарәче компаниясе командасының иң катлаулы мәсьәләләрне хәл итәргә сәләтле булуын тагын бер кат раслады. Ә башлык тарафыннан калган теләк МИЗны Татарстанда һәм гомумән Россия Федерациясендә ИТ-тармагын үстерүгә юнәлдерелгән амбициоз максатларга ирешергә рухландырырга тиеш.