Казанда киберспортсменнар «Танклар вакыты. Взводлар сугышы» турнирының суперфиналында көч сынашачак
22 нче августта Казан World of Tanks хәрби-тарихи уеннары турнирларының финал этабын кабул итәчәк. «Ак Барс» көрәш сараенда 2018 елгы чемпион исеме өчен көрәшүче өч меңнән артык киберспортсмен катнашыр дип көтелә.
Республика башкаласында танылган World of Tanks компьютер уеннары мотивлары буенча Суперфинал Татарстан Республикасы Хөкүмәте ярдәмендә уза.
Турнир «3 на 3» форматында команда ярышларында үткәрелә. Суперфиналда «Freedom» (Казан), «_T3S_ («Тетрис»)» (Екатеринбург), «Тотито» (Минск) һәм TORNADO җыелма командасы (онлайн-турнирда җыелган) командалары катнашты. Команда уеннарыннан тыш, ярышлар кунаклары шәхси зачетта көч сынаша алачаклар. Теләгән һәркем анда бушлай катнаша ала.
Турнир барышын залдагы тамашачылар уен атмосферасына чумып зур мультимедиа экраны ярдәмендә күзәтә алачак. Моннан тыш, турнир кысаларында патриотик юнәлештәге зоналар оештырылачак: хәрби-тарихи викторина, балалар мәйданчыклары һәм башка активлык.
Турнир 22 нче сентябрьдә 12 сәгать 00 минутта башлана. Чарага керү ирекле, әмма чакыру билетын алдан ук алырга киңәш ителә.
Белешмә:
Wargaming.net – бу – төрле платформалар өчен компьютер уеннарын һәм околоуен сервисларын нәшер итүче һәм эшләүче. Компаниянең төп продуктлары булып World of Tanks, World of Warships («Танклар дөньясы» һәм «Хәрби кораблар дөньясы») тора. Аерым алганда, World of Tanks бөтен дөнья буенча 130 млн уенчыны үз эченә ала, шуларның 40 миллионы БДБ илләрендә яши.