Татарстанда балалар бакчаларына гаризаларның яртысыннан артыгы электрон формада алына

2012 елның 12 марты, дүшәмбе
Узган ел дәвамында Татарстанда балаларны бакчаларга урнаштыруга кагылышлы гаризаларның 41 меңнән артыгы ТР дәүләт һәм муниципаль хезмәтләр порталы - uslugi.tatarstаn.ru аша бирелгән. Әлеге сервис 2011 елның мартында эшләтеп җибәрелгән иде. Бүген инде аның мөмкинлекләреннән Татарстандагы ата-аналарның яртысыннан артыгы файдалана. Портал аша электрон юл белән балалар бакчаларына гариза бирү республикада иң кирәкле электрон хезмәтләрнең берсе санала. Ай саен 3 меңнән артык ата-ана шушы юл белән баласын бакчага урнаштыруны сорап гариза бирә. uslugi.tatarstаn.ru порталы ярдәмендә гаризаны тутырып, баланы йөртергә теләгән бакчаның исемен күрсәтеп, аны район мәгариф бүлегенә юлларга мөмкин. Чиратның ничек баруын идентификация номеры ярдәмендә Дәүләт һәм муниципаль хезмәтләр порталы аша күзәтеп барырга була.
Әгәр балага туу турында таныклыкны ТР ЗАГС органы биргән булса, гариза бирүче ата-ана баласын ташламалы нигездә бакчага урташтыруга дәгъва итмәсә, ул вакытта баланы бакчага өйдән чыкмыйча гына Интернет аша чиратка бастырып була. Баласы Татарстаннан читтәге ЗАГС органнары тарафыннан теркәлгән яки баласы мәктәпкәчә белем учреждениесенә ташламалы нигездә кабул ителергә хокуклы ата-ана исә баланы бакчага чиратка бастыру өчен район мәгариф бүлекләренә үзе килергә тиеш.
Балалар бакчасына электрон гариза бирү белән бәйле сораулар туганда, ата-аналар (843) 5-114-115 бердәм номерына шалтырата ала. Әлеге номерга ай саен меңгә якын шалтырату кабул ителә. Мондый мөрәҗәгатьләрнең берсе дә җавапсыз калмый. Алар җирле үзидарә органнары, ТР Мәгариф һәм фән министрлыгы ярдәмендә тикшерелә, шулай ук бу хезмәттән файдаланганда килеп чыккан җитешсезлекләр дә исәпкә алына.
ТР Мәгълүматлаштыру һәм элемтә министрлыгы матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлыгы
Документлар
Матбугат хезмәте
Гражданнарның мөрәҗәгатьләре
Адрес: 420111, Казан шәһәре, Кремль урамы, 8
Телефон: Канцелярия: (843) 231-77-95, (843) 231-77-96, Приемная министра: (843) 231-77-01, Приемная заместителей министра: (843) 231-77-02
Факс: (843) 292-40-14
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International