ИТ-университет Иннополис концепциясенең һәм мастер-планының иң мөһим элементларының берсе булачак

2012 елның 15 феврале, чәршәмбе
ТР Премьер-министр урынбасары – ТР Мәгълүматлаштыру һәм элемтә министры Н.Никифоров 13-14 февральдә АКШның Питсбруг шәһәрендә “Карнеги Меллон” (Carnegie Mellon University) шәхси тикшеренү университетында булды. Информацион технологияләр өлкәсендә белгечләр әзерләү буенча бу университет рейтингларда алдынгы урын тота.
Университетның компьютер фәннәре мәктәбе алты бүлектән тора: компьютер фәннәре, “кеше-компьютер” мөнәсәбәтләре, программа белән тәэмин итү өлкәсендә тикшеренүләр, компьютер биологиясе, тел технологияләре, үзлектән өйрәнүче машиналар һәм робототехника.
Информацион технологияләр өлкәсендәге гамәли фәнни тикшеренүләр алып бару укыту процессының һәм программалар җитештерү индустриясенең аерылгысыз өлеше. “Карнеги Меллон” базасында Google, Intel, Apple, Disney кебек атаклы компанияләрнең тикшеренү бүлекләре бар.
Н.Никофоров визитының төп максаты: Казан янында төзеләчәк Иннополиста яңа ИТ-университет ачуны күзаллап,   “Карнеги Меллон” университеты белән Татарстан Республикасы арасындагы хезмәттәшлек мөмкинлекләрне барлау. ИТ-университет инновацион Иннополис иярчен-шәһәре төзү концепциясенең һәм мастер-планының төп компонентларының берсе булып тора. Якын арада берничә елга исәпләнгән һәм берничә этаптан торган план әзерләнәчәк һәм республика җитәкчелегенә һәм “Карнеги Меллон” университетына тәкъдим ителәчәк.
Исегезгә төшерәбез, Казан федераль университеты базасында 2011 елның мартында Информацион технологияләр һәм системалар югары мәктәбе (ИТИС) ачылды. Сентябрь аенда анда беренче студентлар укый башлады, аларның 30ы - БДИ буенча иң күп балл җыйганнары - ИТ-парктан бер елга шәхси грантлар алды.
ИТИСта укыту иң яңа технологияләргә нигезләнгән авторлаштырылган курслар белән алып барыла: Microsoft, HP, Cisco, IBM һ.б. Иң мөһим дисциплиналар буенча КФУдан һәм дөньяның башка танылган университетларыннан белгечләр чакырыла. Икенче курстан башлап, студентлар эре ИТ-компанияләрдә, шул исәптән ИТ-парк резидентларында да, практика үтәргә мөмкин. Мондый укытуның максаты – Татарстан Республикасында ИТ-өлкәне үстерү өчен кадрлар әзерләү.
Казанда федераль дәрәҗәдәге университет булу һәм “Карнеги Меллон” университеты белән хезмәттәшлек итү Иннополиста эре ИТ-кадрлар әзерләү үзәге төзү мөмкинлеге бирә. Бу үзәктән ел саен 1 меңгә якын белгеч чыгар дип көтелә.
ТР Мәгълүматлаштыру һәм элемтә министрлыгы матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлыгы
Документлар
Матбугат хезмәте
Гражданнарның мөрәҗәгатьләре
Адрес: 420111, Казан шәһәре, Кремль урамы, 8
Телефон: Канцелярия: (843) 231-77-95, (843) 231-77-96, Приемная министра: (843) 231-77-01, Приемная заместителей министра: (843) 231-77-02
Факс: (843) 292-40-14
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International