Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы

Такси йөртүчеләр лицензия алу өчен гаризаларын uslugi.tatarstan.ru порталында бирә ала

2011 елның 16 декабре, җомга

Татарстан Республикасында такси хезмәтен легальләштерү башланды. Пассажирлар йөртү һәм багаж ташу белән шөгыльләнүче эшмәкәрләргә уңайлык булдыру өчен uslugi.tatarstan.ru порталында гариза тапшыру мөмкинлеге бар.

Моның өчен порталда гаризаны тутырырга, транспорт турында мәгълүмат бирергә, сканер аша үткәрелгән документлар копияләрен беркетергә кирәк.

Бирелгән датасыннан алып, 5 ел дәвамында гамәлдә булачак рөхсәт документын һәр автомобильгә алырга кирәк. Мәгълүмат тиешле дәрәҗәдә тапшырылган очракта, икенче көнне үк рөхсәт бирелергә мөмкин.

Рөхсәт алыр өчен документларның оригиналын, шәхси эшмәкәрнең яисә юридик затның печатен күрсәтергә кирәк. Шул ук көнне автотранспортны да карау тиешле.

Рөхсәт документының дубликатын Казанда гына алып була.

Исегезгә төшерәбез: 8 декабрьдән башлап, зоналап пассажирлар йөртү өчен рөхсәт бирү оештыралды. Гаризалар бирү өчен 11 үзәк бар: Казан агломерациясе ( ТР транспорт министрлыгы һәм Яшел Үзән районы башкарма комитеты), Идел Буе икътисадый зонасы (Буа районы башкарма комитеты), Кама Алды икътисадый зонасы ( Арча һәм Мамадыш районнары), Кама Арты икътисадый зонасы (Чистай), Яр Чаллы агломерациясе (Яр Чаллы, Алабуга, Зәй, Түбән Кама районнары), Көньяк-көнчыгыш икътисадый зонасы (Әлмәт һәм Бөгелмә районнары). Монда гариза алу пунктлары, транспорт тикшерү урыннары, кирәкле кешеләре билгеләнде.

Махсус рөхсәт алмыйча гына пассажир йөртүчеләр федераль закон бозган өчен административ санкцияләргә дучар. Физик затлар өчен штраф күләме 5 мең сум, юридик затларга – 30 мең сум.

ТР Мәгълүматлаштыру һәм элемтә министрлыгы матбугат хезмәте

БАРЛЫК ЯҢАЛЫКЛАРНЫ УКУ