Татарстан Республикасы Министрлыклары Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы

Татарстан Республикасында Иннополис төзелеше 2012 елның язында башланачак

2011 елның 9 декабре, җомга

Якын арада Татарстан Республикасында инновацион шәһәр-иярчене төзелеше башланачак. Иннополис территориясендә беренче казу эшләре 2012 елның язына ук билгеләнгән. Бу зур масштаблы проектны тормышка ашыру планы турында бүген Лиу Тай Кер - RSP Architect planners&engineers ltd компаниясе башлыгы, Сингапурның элеккеге баш архитекторы сөйләде.

Бүген ТР Хөкүмәте йортында Лиу Тай Кер Татарстан Республикасы Премьер-министры Илдар Халиков белән очрашты. Очрашуда шулай ук ТР Премьер-министры урынбасары – Мәгълүматлаштыру һәм элемтә министры Николай Никифоров һәм ИТ-парк Технопаркы директоры Динар Насыйров катнашты.

RSP Architect башлыгы Казан янында, Татарстанның Югары Ослан районында төзеләчәк “Иннополис” инновацион шәһәр-иярчененең мастер-планын эшләүнең барышы хакында хисап тәкъдим итте.
RSP Architect башлыгы сүзләренә караганда, төзелешнең беренче этабы һава шартлары яхшыруга башаланачак. Мастер-план буенча, территориянең гомуми мәйданы 44 кв.км булачак, шуларның яртысын урман, кырлар, ерганаклар һәм башка төрле ландшафт элементлары алып тора, шуңа күрә аларны саклап калу гомуми проектның бер өлеше булачак.

Беренче этап проект төзү белән параллель барачак, бу проектны RSP Architect компаниясе киләсе елның августына төгәлләргә тиеш. Проект буенча, 1200 гектар мәйданда 50 меңгә якын яшәячәк - 20 меңгә якын белгеч һәм аларга хезмәт күрсәтүче персонал.

Иннополиска белгечләр Россиянең барлык шәһәрләреннән җәлеп ителәчәк. “Безнең максат Татарстанның үз кадрлары хисабына гына үсүендә түгел, ә Россиянең барлык шәһәрләреннән шундый ресурсларны җәлеп итү ноктасы булуында да. Бүгенге көндә республика территориясендә тормыш сыйфатының елдан-ел артуы, Универсиада һәм тотрыклы икътисади үсеш аркасында безнең моны эшләргә мөмкинлек бар”, - дип белдерде ТР Мәгълүматлаштыру һәм элемтә министры.

Билгеле булганча, Лиу Тай Кер Казанга 6 декабрьдә килде.Визит кысаларында ул Казанның истәлекле урыннарын карады, Универсиада объектлары, ИТ-парк белән танышты, шулай ук Югары Ослан районында – Иннополис төзеләчәк урында булды. Бүген ул Казан дәүләт архитектура академиясе студентлары алдында лекция укыячак. Искәртеп узабыз, 2010 елның сентябрендә бишенче Россия-Сингапур эшлекле форумы кысаларында Татарстан һәм “RSP Architects” арасында “Иннополис” мастер-планын (ул вакытта ул “ИТ-авыл” дигән шартлы исемне йөртә иде) эшләү турындагы килешүгә кул куелды. Агымдагы елның сентябрендә, Россия-Сингапур бизнес-форумы кысаларында, аның мастер-планын эшләүнең барышы хакында тәүге хисап тәкъдим ителде.

Р.Кадыров фотографиясе	Р.Кадыров фотографиясе
Р.Кадыров фотографиясе	Р.Кадыров фотографиясе
RSP проекты	RSP проекты

ТР Мәгълүматлаштыру һәм элемтә министрлыгы матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Татарстан 2025 елда: IT өлкәдә фаразланган табыш - 270 млрд сум, цифрлы платформалар булдыру һәм космос өлкәсендәге технологияләрне үстерү

Төбәк «Мәгълүматлар икътисады» илкүләм проектын, федераль проектның өч төп юнәлешен дә кертеп, уңышлы гамәлгә ашыра: «Ватан чишелешләре» (технологик суверенитет), «Цифрлы дәүләт идарәсе» (электрон һәм актив сервислар) һәм «Социаль өлкә тармакларында цифрлы платформалар» — мәгариф, сәламәтлек саклау, мәдәният һәм спортны колачлый. Татарстан Республикасы «ГосТех» базасында 12 федераль цифрлы платформа төзүдә актив катнаша, бу бюджет чыгымнарын киметә һәм цифрлаштыруны тизләтә.

декабрь, 2025 ел

Татарстан цифрлы үсешне тизләтә: һәр авылда интернет, һәркем өчен яңа почта бүлекчәләре һәм ИТ-сервислар

Атналык киңәшмәдә элемтә һәм цифрлаштыру өлкәсендә 2025 ел нәтиҗәләре турында фикер алыштылар: төбәк элемтәнең ышанычлы үсешен, интернет-хезмәтләрнең сыйфатын һәм халык өчен сервислар үсешен күрсәтә. База станцияләре челтәрен киңәйтү һәм яңа почта бүлекчәләрен булдыру аша кече торак пунктларда яшәүче дистәләгән мең кеше тизйөрешле интернетка һәм заманча хезмәтләргә ия булды.

декабрь, 2025 ел

Казанда «Татнефть Арена» трибуналарында хәзер тотрыклы 4G

Тавыш элемтәсе һәм мобиль интернет белән сыйфатлы каплану компакт база станцияләре тарафыннан булдырыла, аларны операторның техник белгечләре арена эчендә урнаштырган. Мондый карар нәтиҗәсендә кәрәзле элемтә сигналы бинада барлык бүлмәләрне тигез каплый: барлык 20 секторны, бизнес-ложалар, гардероб, фойе һәм фуд-кортны. Оператор челтәре эше хәтта иң югары йөкләнеш вакытында да тагын да ышанычлырак һәм тотрыклырак эшли башлады.

декабрь, 2025 ел

Татарстан - илкүләм проект ярдәмендә Спринт 2.0 акселераторнда нәтиҗәлелек буенча лидер

Татарстан Республикасы «Мәгълүматлар икътисады» илкүләм проектын актив рәвештә гамәлгә ашыра — халык өчен мөмкин булган цифрлы сервислар булдырыла, республиканың IT-экосистемасын ныгытып һәм мәгълүмати куркынычсызлыкны тәэмин итеп, ышанычлы инфраструктурага нигез салына.

ЯҢАЛЫКЛАРГА ЯЗЫЛУ