RSP Architect planners&engineers ltd компаниясе башлыгы Лиу Тай Кер Казанда Иннополис мастер-планын эшләүнең барышы турында сөйләячәк

2011 елның 7 декабре, чәршәмбе
Татарстан Рсепубликасына эш визиты белән Сингапурның RSP Architect planners&engineers ltd компаниясе башлыгы, Сингапурның элекккеге архитекторы   Лиу Тай Кер килде. Визитның төп максаты – республика җитәкчелегенә Казан янында төзеләчәк “ Иннополис” шәһәр-иярчененең мастер-планын эшләү барышы турында сөйләү.
Бүген Лиу Тай Кер ТР Вице-премьеры- Мәгълүматлаштыру һәм элемтә министры Николай Никифиров белән очрашты. Шулай ук ул ИТ-парк Технопаркы директоры Динар Насыйров озатуында Казанның истәлекле урыннарында, Универсиада объектларында һәм ИТ-паркта булды. Анда ул резидент-компанияләр проектлары белән танышты һәм Иннополис төзелеше планын тикшерүдә катнашты.
Визит рамкаларында Лиу Тай Кер Татарстан Республикасы Премьер-министры Илдар Халиков белән очрашачак, Иннополис территориясен караячак һәм Казан дәүләт архитектура академиясе студентларына ачык лекция укыячак.
Исегезгә төшерәбез, RSP Architect planners&engineers ltd компаниясе Сингапурда һәм башка илләрдә үзенең зур масштаблы шәһәр төзү планнары һәм концепцияләре белән танылган зур компанияләрнең берсе. 2010 елның сентябрендә бишенче Россия-Сингапур эшлекле форумы кысаларында Татарстан һәм “RSP Architects” арасында “Иннополис” мастер-планын (ул вакытта ул “ИТ-авыл” дигән шартлы исемне йөртә иде) эшләү турындагы килешүгә кул куелды. Агымдагы елның сентябрендә, Россия-Сингапур бизнес-форумы кысаларында, аның мастер-планын эшләүнең барышы хакында тәүге хисап тәкъдим ителде.
Иннополис төзелешенең беренче чираты 2012 елның язында башлана. 1200 гектар мәйдандагы эш тизлеге бизнесның ни дәрәҗәдә актив булачагына бәйле һәм 5-7 елга сузылыр дип көтелә. Проект шәхси-дәүләти партнерлык схемасы буенча барса, бюджет акчалары транспорт һәм социаль инфраструктура: юллар, балалар бакчалары, мәктәпләр, хастаханәләр һ.б. төзүгә тотылачак. Ә шәхси бизнес торак һәм офис күчемсез мөлкәткә акча салачак.
ТР Мәгълүматлаштыру һәм элемтә министрлыгы матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлыгы
Документлар
Матбугат хезмәте
Гражданнарның мөрәҗәгатьләре
Адрес: 420111, Казан шәһәре, Кремль урамы, 8
Телефон: Канцелярия: (843) 231-77-95, (843) 231-77-96, Приемная министра: (843) 231-77-01, Приемная заместителей министра: (843) 231-77-02
Факс: (843) 292-40-14
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International