ИТ-парк Бизнес-инкубаторы 100% тулы

2011 елның 4 декабре, якшәмбе
Технопаркның Бизнес-инкубаторы резиденты статусы алу өчен булган бу елның соңгы бишенче конкурсы 3 декабрьдә булды. Рекордлы сан - конкурста 50 компания катнашты һәм аларның 23-е экспертлар тарафыннан финал презентациягә кертелде.
Экспертлар группасында «СКБ Контур» компаниясе директоры Петр Диденко, дөньяга данлыклы «Ecwid” интернет-коммерция сервисы проектына нигез салучы Руслан Фазлыев, iTechCapital шәхси инвестицияләр фонды финанс директоры  Демид Кузнецов, Softline Venture Partners венчур фонды эксперты Антон Белоусов, Startobaza компаниясе идарәче партнеры Светлана Никифорова эшләде.
Бу юлы сайлап алуда Татарстаннан гына түгел, Россия һәм Украина компанияләре дә катнашты. Омск, Әстерхан,Яр Чаллы, Симферополь шәһәрләреннән килгән стартаплар үзләренең проектларын скайп ярдәмендә күрсәттеләр.
Экспертлар группасы 5 компаниягә Бизнес-инкубаторда урнашырга резидент статусы, 6 компаниягә - читтән торып эшләүче резидент статусы бирде.
ИТ-парк Бизнес-инкубаторында урнашып эшләүче резидентлар статусы түбәндәге проектларга бирелде:
1.RealSpeaker – сөйләм аныклау системасын булдыру;
2.Magazinga – нульдән башлап, техник белемсез, домен исемен регистрацияләмичә һәм сайт ясамыйча гына, гаять интернет-магазин виджетлары белән тулы тәңгәлләштерү хисабына гына көйләнгән болытлы платформа (Мәскәү шәһәре);
3.123 apps – берничә кушымтаны берләштерү өчен система булдыру;
4.Лояльлек өчен ачык платформа - бизнеска лояльлек программалары булдырырлык универсаль платформа;
5.StepMark – кибеткә барган өчен бүләкләүче мобиль телефоннар кушымтасы.
ИТ-парк Бизнес-инкубаторында читтән торып эшләүче резидентлар проектлары:
1.adCaptcha – маркетинг сервисы булдыру;
2.Go-System – төзелеш һәм ремонт эшләрен контрольдә тоту һәм алар белән идарә итү өчен программа эшләнмәсе;
3.DisplAir - Multitouch  функцияле экрансыз һава дисплейлары булдыру;
4.Вконтакте системасында донорлар эзләү – Вконтакте социаль челтәр эчендә төп эзләү фразалары аша барлык файдаланучыларны табу шаблоны булдыру;
5.3Did страховка базарын модернизацияләү – RFID системасын тулы кулланып, страховка түләү очракларында алдауны киметүче система булдыру (Яр Чаллы шәһәре);
6. ГНС ГЛОНАСС/GPS ның җирдәге югары дәрәҗәдәге төгәл инфраструктурасы (Омск шәһәре).
 Республикадан читтә теркәлгән резидент-компанияләр Татарстанда яңадан теркәләчәк. Сүз уңаеннан әйткәндә, инкубаторның яңа резидентларыннан берсе - Әстерханнан DspAir компаниясе экспертлар алдында финалда чыгыш ясау алдыннан гына “Сколково” Инновацион үзәге   катнашучысы сертификаты алды һәм “Иң яхшы инновацион продукт” номинациясендә Зворыкин премиясе лауреаты булды.
Шул рәвешле, бүген Бизнес-инкубатор 100% тулы: 31 резиденты, шул исәптән 11 читтән торып эшләүче резиденты бар.
2012 ел башында проектларын тәмамлаган резидентларның кайберләре инкубатордан китәчәк, шулай итеп бу урыннар яңа амбицияле яшьләр өчен бушап калачак.
Әлегә Бизнес-инкубатор резидентлары өчен интенсив уку программасы старт ала, ИТ-паркта 9 декабрьдән 29 декабрьгә кадәр уннарча тренинг һәм мастер-класслар булачак.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлыгы
Документлар
Матбугат хезмәте
Гражданнарның мөрәҗәгатьләре
Адрес: 420111, Казан шәһәре, Кремль урамы, 8
Телефон: Канцелярия: (843) 231-77-95, (843) 231-77-96, Приемная министра: (843) 231-77-01, Приемная заместителей министра: (843) 231-77-02
Факс: (843) 292-40-14
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International