Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы

Татарстан өчен кодлаштыр: беренче нәтиҗәләр

2011 елның 28 ноябре, дүшәмбе

“Кодируй для Татарстана – Татарстан өчен кодлаштыр” конкурсының беренче йомгаклары ясалды. Катнашучылар Т3 биременә күчтеләр һәм атна буе эшләгән эшләренә отчет бирделәр.

Исегезгә төшерәбез: конкурста катнашучыларга дәүләт органнары сайтына кире кайту элемтә системасын эшләргә тәкъдим ителгән иде. Кабатланучы сораулар булган очракта иң релевант җавапларны базадан алып яисә сорау беренче тапкыр бирелгән очракта кирәкле ведомствоның биремнәрен сервер үзе бирергә тиеш.

Мондый интерфейсларны эшләү һәм куллану дәүләт органнарына бер үк төрле мөрәҗәгатьләрне тиз арада эшкәртергә һәм гражданнарның вакытын янга калдырырга ярдәм итәчәк.

Конкурска катнашучыларга ярдәм йөзеннән ТР дәүләт һәм муниципаль хезмәтләре порталында еш бирелә торган сораулар һәм җаваплар тапшырылды. Конкурсны оештыруда катнашучы ИТ-парк экспертлары бирелгән отчетларны карады һәм күпчелек конкурсантларның технология сайлау һәм база булдыру процессында булуын билгеләде. Күпләр беренче прототиплар эшләгән һәм аларга тестовый серверлар куйган. Шунысы куанычлы, конкурсантлар биремгә төрлечә якын килә. Тапшырылган интерфейс прототиплары тышкы яктан гына түгел, файдаланучы белән аралашу логикасы буенча да бер-беренә охшамаган. Кемдер элек бирелгән сорауларны эзләүгә акцент ясаган, кемдер файдаланучының мөстәкыйль рәвештә сорау бирү мөмкинлегенә басым ясаган. Шулай да, конкурсның тулы йомгаклары турында сөйләү иртәрәк, алда әле эшнең төп өлеше тора. Әзер проектлар 11 декабрьдә тапшырылып бетә. Барлык конкурсантларга уңышлар телибез!

ТР Мәгълүматлаштыру һәм элемтә министрлыгы матбугат хезмәте

БАРЛЫК ЯҢАЛЫКЛАРНЫ УКУ