Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы

Республикада цифрлы телевидениенең яңа стандарты гамәлгә керәчәк

2011 елның 30 сентябре, җомга

Аныңөстенлекләрен халыкка күрсәтелә торган хезмәтләр спектрын киңәйтүөчен файдаланырга уйлыйлар

Татарстан Республикасы цифрлы телевидениенең яңа DVB-T2 стандарты сынала торган пилот зоналарының берсе булачак. Бу хакта РФ Хөкүмәте рәисенең беренче урынбасары Игорь Шувалов рәислегендә узган Хөкүмәт комиссиясе утырышында карар ителгән иде. Яңа стандартөстенлекләрен халыкка күрсәтелә торган хезмәтләр спектрын киңәйтүөчен файдаланырга уйлыйлар.
РФ Хөкүмәте карары нигезендә, DVB-T2 стандартлы цифрлы челтәрне җәелдерү белән берүк вакытта гадәттән тыш хәлләр килеп чыкканда халыкка хәбәр бирү, электрон формадагы дәүләт хезмәтләренә цифрлы телевидение мөмкинлекләре аша керү системалары өчен дә тәҗрибә зонасы төзелә.

Бу планнарны тормышка ашыру өчен, республикада эшче проект эшләнеп, антенна җайланмалары һәм телевизион сигналлар тапшыргычлар белән тәэмин итү буенча килешүләр төзелгән, Казан радио-телевизион үзәгендә радиотехник җиһазлар монтажга әзерләнә.

Шунысын да әйтергә кирәк, хәзер цифрлы телевидениенеңDVB-T2 стандарты барлык яңа төзелүче эфирлы җир өстеннән узучы челтәрләрдә кулланылачак. Кайбер төбәкләрдә элегрәк барлыкка килгән DVB-T кулланучы челтәрләрне яңа DVB-T2 ст андартына күчерү проектлары эшләнәчәк. Булган инфраструктураларны һәм радиоешлыкларны кулланып, яңа стандартка күчү тапшырыла торган мәгълүматның санын күпкә арттырачак.

DVB-T2 пилот зоналарын шулай ук Приморский крайда (Владивосток шәһәре), Хабаровский крайда (Хабаровск шәһәре), Калининград өлкәсендә (Калининград шәһәре), Курск өлкәсендә (Курск шәһәре), Сочи шәһәрендә, Санкт-Петербургта, Мәскәүдә булдырырга күздә тотыла.

Белешмә:

DVB-T2 (ингл. Digital Video Broadcasting – Second Generation Terrestrial) европа DVB-T стандартының икенче дәрәҗәсе. DVB-T2 стандарты, элекке инфраструктура һәм ешлык ресурсларын файдаланган очракта да, телевидение челтәрләренең сыешлыгын ким дигәндә 30 процентка яхшыртырга тиеш.

ТР Мәгълүматлаштыру һәм элемтә министрлыгы матбугат хезмәте

БАРЛЫК ЯҢАЛЫКЛАРНЫ УКУ