Татарстан Республикасы делегациясе Сочи форумында эшли башлады

2011 елның 16 сентябре, җомга
Бүген  Сочи шәһәрендә X Халыкара инвестиция форумында Татарстан Республикасы күргәзмә-стенды ачылды.
“Электрон хезмәтләр” стендын Россиянең Элемтә министрлыгының, Краснодар өлкәсенең делеагцияләре карарга өлгерде. “Электрон Татарстан” проектында Казанның ИТ-парк макеты, Казанда һәм Яр Чаллыда төзелеп килүче ИТ-авыл   макетлары күрсәтелгән. Врачка язылу, балалар бакчасына чиратка язылу, ЗАГСка гариза бирү, торак-коммуналь хезмәтләре өчен түләүләрне электрон рәвештә ничек башкарып була – боларның барысын да стендта күрергә мөмкин. Анда урнаштырылган “iPAD 2” планшетлары ярдәмендә күргәзмә караучылар электрон хезмәтләрне үтәп карарга да мөмкин.
Республика стендының “фишкалары” буларак яңа төр инфоматлар һәм “киндермат” – балалар инфоматы тора. Стенд өстендәге экранда бу хезмәтне кулланучылар саны чыгып тора. Татарстанда айга 1 миллион электрон хезмәт – секундына 1 электрон хезмәт күрсәтелә. 2011 елда Татарстан Республикасы гражданнары 6 миллионнан артык тапкыр бу хезмәтне кулланды, бу саннар күргәзмәдә он-лайн рәвештә күрсәтелеп тора.
“Татарстанда бүген халык күп йөри торган урыннарда 150 инфомат эшли. Сочида яңа төр инфомат күрсәтелә. Аның интерфейсы башка, файдалану өчен гадирәк, эксплуатация чыгымнары азрак. Бу беренче үрнәк. Аның аша барлык элекке хезмәтләрне башкарып була”,- дип белдерде ТР Электрон хезмәт һәм ведомстволы мәгълүматлаштыру департаменты җитәкчесе Илдар Низамиев. – Яңа төр инфомат акча алмый, түләү өчен халыкара банк карталары кулланыла. Сораулар булганда “call-center”га шалтырату мөмкинлеге дә бар”.
 “Киндермат” инфоматы “Электрон мәгариф” проекты буенча мәктәп укучылары өчен ясалган. “Киндермат”ка карточка куйгач, система аны “таный” , һәм шуннан соң укучы үзенең көндәлеген, расписаниесен, ашханәгә түләү өчен акча күләмен карый ала.
Илдар Низамиев әйтүенчә, Татарстанда ЮХИДИ штрафларының һәр өчесе инфоматлар аша түләнә, ЗАГСка керүчеләрнең 78 проценты электрон рәвештә гариза яза. Аннан тыш, балалар бакчасына язылу өчен бирелгән гаризаларның 59 проценты электрон рәвештә гuslugi.tatar.ru порталы аша бирелгән. Татарстанда йорт хуҗалыкларының 62 проценты Интернетка тоташтырылган.
“Татар-информ”
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлыгы
Документлар
Матбугат хезмәте
Гражданнарның мөрәҗәгатьләре
Адрес: 420111, Казан шәһәре, Кремль урамы, 8
Телефон: Канцелярия: (843) 231-77-95, (843) 231-77-96, Приемная министра: (843) 231-77-01, Приемная заместителей министра: (843) 231-77-02
Факс: (843) 292-40-14
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International