ΙΤ-парктагы Бизнес-инкубаторга заявкалар кабул итү 1 октябрьдә тәмамлана

ΙΤ-парктагы Бизнес-инкубаторга урнашырга теләгән стартаплар сайлау  тәмамлана. Әлегә мәгълүмат технологияләре өлкәсендә эшчәнлеген башлап кына килүче 30 дистәгә якын компаниядән мөрәҗәгать алынган. Заявкалар bi.itpark-kazan-ru сайтында 1 октябрьгә хәтле кабул ителә.

Бүген бизнес-инкубаторда 12 команда урнашкан, аларның күбесе проектларын уңышлы гына башлап җибәргән.
Төп максат - мәгълүмат технологияләре өлкәсендәге өметле компанияләрне үстерү һәм аларга тышкы базарга чыгарга ярдәм итү. Бизнес инкубатор үзенең резидентларына комплекслы ярдәм итә - теркәлү, юридик, бухгалтерлык хезмәте күрсәтү һәм башка төр консультацияләр бирү, алга таба продукциясен базарга чыгаруга булышу мөмкинлеге бирә. Моннан тыш, ул стартап компанияләрне потенциаль инвесторлар белән очраштыру мәйданы да. Бизнес-инкубатор ачылганнан бирле биредә Google, Microsoft компанияләренең Россиядәге вәкиллекләре директорлары, венчур фондлары вәкилләре, ΙΤ-индустрия өлкәсендәге экспертлар булып китте.