Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы

Бизнес-инкубаторга керү өчен өченче стартаплар конкурсы башланды

2011 елның 15 июне, чәршәмбе

ИТ-парк Бизнес-инкубаторына керү өчен стартаплардан өченче конкурска гаризалар алу башланды. Үз эченә презентация һәм бизнес-план алган гаризалар 2011 елның 20 июленә кадәр кабул ителәчәк. Бизнес-инкубатор сайтында гариза бирү тәртибе белән танышырга һәм шунда ук конкурска язылырга да мөмкин.

Исегезгә төшерәбез:

Бизнес-инкубаторга урнаштыру өчен беренче стартап проектларны сайлап алу ИT-паркта апрельдә узган иде. Экспертлар төркеменә мәгълүмат технологияләре өлкәсендә эшчәнлеген башлаучы 11 яшь компания үзләренең инновацион проектларының бизнес-планнарын тәкъдим итте. Нәтиҗәдә, экспертлар беренче резидентлар итеп аеруча кызыклы һәм перспективалы проектлар тәкъдим иткән биш компанияне сайлап алды. Алар – муниципаль хезмәткәрләрне бәяләүнең автоматлаштырылган моделен тәкъдим итүче “Эффективно.рф”, дистанцион укытуны видео-сервис белән тәэмин итүче “SpeakTo”, юл хәрәкәте кагыйдәләрен үтәүне контрольдә тоту системасын эшләүче “Автодория”, музыкаль контентны саклау системасы буенча махсуслашкан “10tracks.ru”, хәбәрләрне җибәрү буенча интернет-сервис белән шөгыльләнүче “Plusner” компанияләре.

20 команда катнашкан икенче конкурс июнь аенда узды һәм

бизнес-инкубаторга өч яңа резидент - “АльфаМед” (фельдшер-акушерлык пунктлары эшен автоматлаштыру системасы), “Живые книги” (укучыларга һәм язучыларга аралашу, китаплар һәм язмалар бастыру, аларны сату мөмкинлеге бирүче социаль интернет-проект), “Appointments” (браузерда кешеләр кабул итү графигы белән идарә итү системасы) компанияләре керде.

Хәзерге вакытта ИТ-паркның Бизнес-инкубаторы 40 процентка тулган – 8 проект урнаштырылган.

Конкурста катнашучыларга уңышлар телибез!

ТР Мәгълүматлаштыру һәм элемтә министрлыгы матбугат хезмәте

БАРЛЫК ЯҢАЛЫКЛАРНЫ УКУ