ИТ-паркта бизнес-инкубаторга керү өчен стартапларның икенче конкурсы булачак

2011 елның 8 июне, чәршәмбе
Бүген  “ИT-парк” югары технологияләр өлкәсендәге технопаркта икенче тапкыр стартап-проектларга конкурс булачак. Конкурста катнашырга теләүчеләр заявкаларын май башыннан алып бирә башлаганнар иде. Бүгенгә бизнес-инкубаторга 20 яшь ИТ-компания үзләренең проектларын тәкъдим итә.
Экспертлар төркеменә  ИТ-бизнес вәкилләре – «Softline»  компаниясенең инвестицияләр буенча директоры Елена Алексеева, аның урынбасары Владимир Тарханов, “СОО of Uvenco Holding” җитәкчесе, “Ritzio Group” директоры, “Runa Capital”  идарәче партнеры Дмитрий Чихачев, “Greenfield-Project”  компаниясе җитәкчесе Ренат Гарипов, шулай ук ТР Премьер-министр урынбасары – Мәгълүматлаштыру һәм элемтә министры Николай Никифоров һәм “ИТ-парк” югары технологияләр өлкәсендәге технопарк директоры Динар Насыров керә.
Исегезгә төшерәбез: Стартаплар конкурсы беренче тапкыр апрель аенда уздырылды. Экспертлар төркеменә  унбер яшь ИТ-компания үзләренең бизнес-проектын һәм презентациясен тапшырды, аларның бишесе бизнес-инкубаторда  эш урыны алды. «Эффективно.рф» (муниципаль хезмәткәрләр эшен бәяләү өчен автоматлаштырылган модель), «SpeakTo» (дистанцион укыту өчен видео-сервис), «Автодория» (юл кагыйдәләрен үтәүне контрольдә тоту системасы), «10tracks.ru» ( музыкаль контент саклау һәм файдалану системасы), «Plusner» (хәбәрләр тарату интернет-сервисы).
 Искәрмә: 2011 елның 26 апрелендә “ИТ-парк” югары технологияләр өлкәсендәге технопаркта бизнес-инкубатор ачылды. 
Ул ИТ-паркның 3-нче катында 120 эш урынына исәпләнгән, 980 кв.метр мәйдан били, 2011 елда 20 команда урнаштыра ала.
Резидентларга тулаем җиһазландырылган 6 эш урыны бирелә, үзәкләштерелгән секретариаты бар,  шулай ук  бухгалтерлык, юридик, консультация, проект-менеджмент хезмәте һәм башка хезмәтләр күрсәтелә.
ИТ-паркның бизнес-инкубаторында бер команда тоту проект өстендә эшләүнең беренче елында айга 6 мең сумга төшә. Команда бизнес-инкубаторда иң күбе 3 ел  эшли ала.
Инвестор булуы бизнес-инкубаторга заявка бирү өчен зарур түгел. Мәсәлән, “Стартобаза” компаниясе (ул шулай ук бизнес-инкубатор резиденты) яңа сайланган “Автодория” компаниясенә 2 миллион сум өстәмә инвестиция бирүе турында хәбәр итте.  Шулай итеп бу компания берничә ИТ-стартап өчен “бизнес-фәрештә” һәм  идарәче-партнер ролен үти.
Гомумән алганда, “ИТ-парк”та  ИТ-проектлар эзләү, инфраструктура белән тәэмин итү, старт инвестияцияләре бирү һәм проектларны алга таба үстерү өчен тулы  бер экосистема булдырылган.
 
ТР Мәгълүматлаштыру һәм элемтә министрлыгы матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлыгы
Документлар
Матбугат хезмәте
Гражданнарның мөрәҗәгатьләре
Адрес: 420111, Казан шәһәре, Кремль урамы, 8
Телефон: Канцелярия: (843) 231-77-95, (843) 231-77-96, Приемная министра: (843) 231-77-01, Приемная заместителей министра: (843) 231-77-02
Факс: (843) 292-40-14
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International