РИФ.Иннополис 2016 форумына багышланган пресс-конференция 2 июньдә узачак
2016 елның 2 июнендә "Татар-информ" мәгълүмати агентлыгында РИФ.Иннополис 2016 Россия Интернет Форумына багышланган пресс-конференция узачак.
Пресс-конференция катнашучылары:
* Роман Шәйхетдинов. Татарстан Республикасы Премьер-министры– ТР мәгълүматлаштыру һәм элемтә министры,
* Егор Иванов. Иннополис шәһәре мэры,
* Сергей Плуготаренко. РАЭК дректоры,
* Сергей Гребенников. РОЦИТ директоры
* Иван Панченко. Postgres Professional генераль директоры урынбасары
* Иннополис шәһәре резидентлары
Пресс-конференциягә аккредитация өчен: электрон почта pr@raec.ru, яки оештыру комитеты матбугат хезмәте – Екатерина Дёмкина 8 909 622 92 22.
9-10 июньдә Иннополиста Россиянең эреләрдән саналган IT-компанияләре вәкилләре икенче мәртәбә «РИФ.Иннополис-2016” күчмә Россия интернет-форумын уздырачак.
Быел төп темалар – интернет-бизнес, Россиядә электрон коммерция үсеше, IT-өлкәдә мәгариф, цифрлы маркетинг, веб-эшләнмәләр, мобиль технологияләр һәм башкалар, дип хәбәр ителә форум сайтында.
“РИФ.Иннополис” – интернет-тармак һәм интернет-технологияләр үсешенә багышланган, яңа цифрлы икътисад формалаштыруга йөз тоткан зур еллык форум.
Ике көн дәвамында конференция программасы “Рунет бүген: вакыйгалар, цифрлар, фактлар, трендлар”, “Рунет икътисады”, “IT-бизнес, интернет-эшмәкәрлек һәм стартаплар”, “Мобиль технологияләр: Digital Marketing”; электрон коммерция, мәгариф һәм IT-тармак өчен кадрлар кебек темаларны колачлаячак.
“РИФ.Иннополис”та бөтен Россиядән әйдәп баручы IT-компания җитәкчеләре һәм белгечләре, Иннополис резидентлары, дәүләт хакимияте органнары вәкилләре, җәмәгать эшлеклеләре, рунеттан файдаланучылар катнашачак.
Искәртеп узабыз: узган елда форумның беренче көнендә тантаналы төстә Иннополис шәһәре ачылды.