Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы

ТР мәгълүматлаштыру һәм элемтә министрлыгы хезмәткәрләре "Россия чаңгы юллары - 2015" чарасында катнашты

2015 елның 8 феврале, якшәмбе

Бүген Казанда традициягә әйләнгән зур күләмле спорт чарасы - "Россия чаңгы юллары" уңыш белән уздырылды. Иң массакүләм ярышлар Залесный бистәсендә урнашкан "Солнечный"/"Кояшлы" лагеры территориясендә үтте. Чара ТР мәълүматлаштыру һәм элемтә министрлыгы хезмәткәрләре дә катнашты.

Быел чаңгы ярышлары Сочида XXII кышкы Олимпия уеннары узуга бер ел тулуга багышланган иде. Гадәт буенча берничә ярыш оештырылды: профессиональ спортчылар - 5 мең метрга, гаиләләр 1 мең метрга узышты. VIP-узыш һәм массакүләм узыш 2,5 мең метрга үткәрелде. Чаңгы ярышларын тантаналы ачуда ТР яшьләр эшләре һәм спорт министры Владимир Леонов, Киров һәм Мәскәү районнары хакимияте башлыгы Дамир Фәттахов, шулай ук узышларның мәртәбәле кунагы, хезмәт фронты катнашучысы, Бөек Ватан сугышы ветераны, хезмәт ветераны, спорт мастеры, чаңгы ярышлары буенча 17, җиңел атлетика буенча 12 тапкыр дөнья чемпионы булган 87 яшьлек Әхмәт Сираҗиев катнашты.

Россия чаңгы юллары-2015" илнең 71 төбәгендә узды. Казанда ул Имәнлек урамы буенча урнашкан урман-парк зонасы, Залесный бистәсендәге "Кояшлы" лагеры һәм Дәрвишләр бистәсендәге каенлыкта оештырылган иде. Башлангыч мәгълүматлар буенча, ярышларда якынча 20 мең кеше катнашты. Иң нәни катнашучыга - 3,5, ә иң өлкәненә - 87 яшь.

ТР Мәгълүматлаштыру һәм элемтә министрлыгы матбугат хезмәте

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ