Бүген Байтик компьтер лагерендә IT-jump проектында катнашучыларның эшләрен яклау узды. Чарада ТР мәгълүмати технологияләр үзәге башкаручы директоры Татьяна Камалетдинова да катнашты. Үз чыгышында ул укучыларга проектларны уңышлы башкаруны теләде.
Бер атна эчендә укучылар командада веб-проектлар әзерләде. Аларның тәҗрибәле экспертлар – ИТ компанияләр хезмәткәрләре һәм IT-jump проектының башка елгы катнашучылары – җитәкләде. Укучылар веб-программалаштыру, сайт дизайны нигезләре һәм командада эшләү серләренә төшенделәр.
Үзләренең әзер проектларын укучылар ИТ-паркта IT-jump фестивалендә тәкъдим итәчәк.