Анатолий Геллер ТР Транспорт һәм юл хуҗалыгы министрлыгы коллегиясенең киңәйтелгән утырышында катнашты

2014 елның 22 октябре, чәршәмбе
Татарстан Премьер-министры Илдар Халиков бүген ТР Транспорт һәм юл хуҗалыгы министрлыгы коллегиясенең киңәйтелгән утырышы барышында Татарстан икътисады өчен юл-транспорт тармагының мөһимлеген билгеләде. Утырыш Казанда бүген ачылган “Дортрансэкспо -2014” күргәзмәсе кысаларында узды.

Коллегия утырышын ачып, Илдар Халиков беренче чиратта юл хуҗалыгы тармагы хезмәткәрләрен һөнәри бәйрәмнәре белән котлады. “Теләсә кайсы субъект, теләсә кайсы территория, теләсә кайсы дәүләт өчен юл-транспорт инфраструктурасы икътисад үсешенең әһәмиятле күрсәткече һәм этәргеч бирүче мөһим механизмы санала”,- дип белдерде ул.

Аның сүзләренчә, Татарстанда юллар төзелешенә, аларны реконструкцияләүгә һәм карап торуга зур акча бүлеп бирелә. 2014 елда гына да Татарстанда бу максатларга 15,4 млрд сум акча бүлеп бирелгән, шул исәптән төзелеш өчен 2 млрд сум, ремонтка – 10,4 млрд. Шактый акча шәһәр һәм район үзәкләрендә юл-урам челтәрен ремонтлауга бүлеп бирелгән.

Һава транспортына килгәндә “Казан” һәм “Бигеш” аэропортларын яңарту буенча җитди эшләр уздырылды, дип искә төшерде ул.

Үзенең чыгышын тәмамлап, Илдар Халиков коллегиядә катнашучыларга эшләрендә уңышлар теләде, юл хуҗалыгы хезмәткәрләренә барлык куелган бурычларны үтәгәннәре өчен рәхмәт белдерде.

Төп докладны Татарстан транспорт һәм юл хуҗалыгы министры Ленар Сафин ясады. Ул хәбәр иткәнчә, 2014 елның 9 аенда республикада 235 км дан артык яңа юллар төзелгән һәм 182 км юл ремонтланган. Быел 60 торак пунктны каты өслекле юл белән тәэмин итү планлаштырыла. 

Ленар Сафин сүзләренчә, шушы араларда Татарстан Росавиация белән “Бигеш” аэропортын реконструкцияләү турында килешү имзалауны планлаштыра. Эшнең бәясе якынча 2 млрд сум дип билгеләнә.

Министр шулай ук Татарстанда елга һәм тимер юл транспорты үсеше һәм бу өлкәләрдәге берничә перспективалы проект турында сөйләде.

Ленар Сафинның чыгышыннан соң, Илдар Халиков транспорт тармагындагы алдынгы хезмәткәрләргә бүләкләр тапшырды.
ТР Президенты матбугат хезмәте материаллары буенча
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлыгы
Документлар
Матбугат хезмәте
Гражданнарның мөрәҗәгатьләре
Адрес: 420111, Казан шәһәре, Кремль урамы, 8
Телефон: Канцелярия: (843) 231-77-95, (843) 231-77-96, Приемная министра: (843) 231-77-01, Приемная заместителей министра: (843) 231-77-02
Факс: (843) 292-40-14
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International