Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы

Казанда интеллектуаль транспорт системалары буенча семинар ачылды

2014 елның 15 октябре, чәршәмбе

Бүген Казанда ИТ-паркта интеллектуаль транспорт системалары (ИТС) буенча халыкара семинар ачылды. Семинар ачылышында Татарстан Республикасы Премьер-министры Илдар Халиков катнашты.

ИТС буенча халыкара гамәли семинар, интеллектуаль транспорт системалары, шул исәптән Татарстан Республикасында эшләнгән һәм гамәлгә кертелгән хәрәкәт куркынычсызлыгын, транспорт инфраструктурасы үтемлелеген тәэмин итү һәм экологик хәлне яхшырту өлкәсендәге проектлар турында фикер алышу мәйданына әвереләчәк.

Семинар башланыр алдыннан, Илдар Халиков, шулай ук “ ИТС Европа – ЭРТИКО”ның халыкара мәсьәләләр һәм партнерлар белән үзара хезмәттәшлек буенча директоры Расмус Линдхольм ИТС өлкәсендәге алдынгы эшләнмәләр күргәзмәсен карады.

Татарстан Хөкүмәте башлыгы журналистларга интервьюда интеллектуаль транспорт системаларын куллануның актуальлеген һәм республиканың бу мәсьәләдәге тәҗрибәсен билгеләп үтте.
“Соңгы елларда зур алга китеш транспорт агымы, юл системалары белән идарә мәсьәләләрендә генә күзәтелмәде. Юл хәрәкәте белән идарәнең үзендә дә алга китеш сизелә, - дип билгеләде Илдар Халиков. Казандагы Универсиадага әзерлек барышында, без илдә генә түгел, дөньядагы иң яхшы тәҗрибәне тормышка ашырдык. Иң мөһиме, нәтиҗәсен дә күрдек. Барыбыз да агымдагы елның 1 нче сентябрендә юл хәрәкәте тыгызлыгының, гадәттәгедән күпкә түбән булуын күрдек. Иң катлаулы участокларда да хәрәкәт тоткарлыгы 15 минуттан артык булмады. Бу беренче тапкыр булды, һәм бу интеллектуаль системалар эше нәтиҗәсе”.

Илдар Халиков сүзләренчә, интеллектуаль транспорт системаларыннан файдалану тәҗрибәсе аларны куллануга салынган кертемнәрнең отышлылыгын күрсәтте. “Без буш, имин юлларны, юл хәрәкәтендә катнашучыларның барысы өчен уңайлылыкны күрәбез,- дип белдерде ТР Премьер-министры. Бүгенге чара да очраклы гына барлыкка килмәде - без дөньядагы һәм бер ук вакытта үзебезнекеләр эшләгән иң яхшы эшләнмәләрне күрергә һәм белергә телибез”.
“Без үзебезнең эшләнмәләрне үзебез дә генә кулланып калмыйча, Татарстанда сыналганнарның күбесе Россия күләмендә дә актив җәелдерелә”, - диде Илдар Халиков.

“Минем күрүемчә, Татарстанда төрле кушымталар яхшы үсеш алган, ләкин мәгълүматның берләштерелгән булуы мөһим. Без үз тәҗрибәбезне, иң яхшы эшләнмәләребезне тәкъдим итәргә әзер”, - дип белдерде Расмус Линдхольм.

Илдар Халиков сүзләренчә, семинар кысаларында оештырылган күргәзмә, Татарстан һәм Россиядә ИТС өлкәсендә идеяләр һәм эшләнмәләрнең күп булуын күрсәтә, һәм бу тәҗрибәдән файдаланырга кирәк.

ТР Хөкүмәте матбугат хезмәте материаллары буенча

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ