ТР дәүләт һәм муниципаль хезмәтләр порталы ярдәмендә басмаларга – газета-журналларга, китапларга язылып була торган пилот сервис эшләтеп җибәрелгән. Анда “Россия почтасы” федераль дәүләт унитар предприятиеснең тулаем каталогы электрон рәвештә файдаланылышта. Әлеге сервисның өстенлеге шунда – матбугатка почта бүлекчәсенә бармый гына, ягъни дистанцион язылып була. Моның өчен әллә ни зур булмаган түләү каралган: подписка бәясенең 2 проценты кадәр (кимендә 10 сум).
Мондый сервис ТР Мәгълүматлаштыру һәм элемтә министрлыгы тарафыннан “Татарстан почтасы” хезмәте белән берлектә әзерләнгән.