uslugi.tatarstan.ru порталында яңа төр сервислар барлыкка килде

2011 елның 23 ноябре, чәршәмбе
Порталны балалар бакчаларына йөргән өчен түләүне тикшерү һәм түләү, алкогольнең легаль булу-булмавын тикшерү, страховой һәм пенсия взносларын түләү һәм башка шундый яңа сервислар тулыландырды. Яңа төр сервислар турында бүген “Татмедиа” агентлыгында узган брифингта ТР Мәгълүматлаштыру һәм элемтә министры урынбасары Әнисә Гайнуллина сөйләде.
Аның сүзләренә караганда, бүген инфоматлар, дәүләт хезмәтләре порталы һәм аның мобиль версиясе аша 30 дан артык электрон хезмәт һәм 50 төрле министрлыклар һәм ведомстволар сервисларын, шул исәптән хезмәтне электрон рәвештә күрсәтү өчен гариза бирү, хезмәтләрне он-лайн төрле банк карталары ярдәмендә түләү (дәүләт пошлиналары, административ штрафлар, налоглар,ТКХ, элемтә: телефония, Интернет, телевидение һ.б өчен түләүләр) каралган.
Октябрь аенда татарстанлылар электрон хезмәтләр белән 1,1 млн тапкыр файдаланган. Бу ел башы белән чагыштырганда 5 тапкыр артык.
Мәсәлән, бер ай эчендә 700 мең мәгълүмат соралган, 300 мең кеше чиратка язылган, 20 мең гариза тапшырылган,110 мең түләү булган. Иң популяр булып ЮХИДИ штрафларын түләү, чит ил паспорты алырга гариза бирү, ЗАГСка гариза бирү һәм балалар бакчасына язылу тора. Һәр өч штрафның берсе, ЗАГС гаризаларының 74 проценты, балалар бакчасына бирелгән гаризаларның 59 проценты порталда электрон рәвештә башкарыла.
Шул ук вакытта электрон хезмәт күрсәтү артып тора, диде Әнисә Гайнуллина. Мәсәлән, ЮХИДИ штрафлары бармы-юкмы икәнен хзер читтән килгән кунаклар да белә ала.Бу аларга штрафларны үз вакытында түләп барырга мөмкинлек бирә. Алкоголь эчемлекнең легальлеген мобиль телефон аша (m.tatar.ru\alko порталында) касса янында ук белеп була. Моның өчен партиянең шешәдә күрсәтелгән регистрацион номерын гына кертергә кирәк. Бу сервис бигрәк тә Яңа ел алдыннан актуаль булачак.
Эшмәкәрләр өчен порталда пенсия һәм медицина страховой взносларын түләү, Инвестиция үсеше агентствосына гариза язу, хөкүмәт субсидияләре, грантларга   язылу каралган. Ата-аналар өчен күптән көтелгән сервис – балалар бакчасы өчен түләүләрне тикшерү һәм электрон рәвештә түләүләр кертү. Торак-коммуналь түләүләрдә дә яңалык бар- сигнализация өчен электрон түләү.Якын арада порталда тагын яңа төр хезмәтләр булачак. Мәсәлән, таксомотор компаниясенең лицензиясен тикшерү. Компания үзе дә пассажирлар йөртү өчен лицензия алырга гариза бирә, аның статусын тикшерүне электрон рәвештә башкара ала.
Шулай ук “өч тапкыр басып” түләү мөмкинлеге булачак, бу хезмәт банк картасы мәгълүматын “шәхси кабинет”ка бәйләргә һәм түләүләрне кабат-кабат мәгълүмат язмыйча гына кертү мәмкинлеге бирә. Инфоматларда да түләүләрне барлык төр банк карталары ярдәмендә кертеп булачак. Бүген порталда Visa International, MasterCard, American Express, Diners Club һәм  JSB системалары карталары кабул ителә.
Татарстанда яшәүчеләр кирәкле дәүләт хезмәтләрен максималь комфортлы алсын өчен, республикада смартфоннар өчен махсус кушымталар эшләнә.
Ә бүгеннән башлап, татарстанлылар электрон почтага яки мобиль телефонга электрон чиратларга язылу-язылмау хәбәрен ала алалар.
ТР Мәгълүмат һәм элемтә министрлыгы матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлыгы
Документлар
Матбугат хезмәте
Гражданнарның мөрәҗәгатьләре
Адрес: 420111, Казан шәһәре, Кремль урамы, 8
Телефон: Канцелярия: (843) 231-77-95, (843) 231-77-96, Приемная министра: (843) 231-77-01, Приемная заместителей министра: (843) 231-77-02
Факс: (843) 292-40-14
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International