Мобиль кушымталар һәм банк карталары куллану дәүләт хезмәтләрен электрон рәвештә алуны тагын да уңайлаштыра

2011 елның 19 октябре, чәршәмбе
Татарстанда яшәүчеләрнең гаиләсенә, спортка, китап укуга вакыты күбрәк калсын – бу дәүләт хезмәтләрен электрон рәвешкә күчерүнең төп мәгънәсе. Бүген ТР Хөкүмәте йортында узган киңәшмәдә Татарстан Республикасы Президенты вазифаларын башкаручы Илдар Халиков шулай диде. Ул киңәшмәдә катнашучыларны   гражданнар белән яңа төр аралашуга зур җаваплылык белән карарга чакырды. Татарстанда сентябрь дәвамында электрон рәвештә 1,2 миллионнан артык дәүләт хезмәте күрсәтелгән. Бу 2011 ел башы белән чагыштырганда 5 тапкыр артык. Киңәшмәдә бу саннарны ТР Мәгълүмат һәм элемтә министры урынбасары Әнисә Гайнуллина китерде. Аның әйтүенчә, инфоматлар, uslugi.tatarstan.ru порталы һәм аның мобиль варианты – m.tatar.ru версиясе аша Татарстанда яшәүчеләр 800 меңнән артык мөрәҗәгать иткәннәр, 11 мең электрон гариза алынган, электрон чиратларга 260 мең язылу булган, 46,6 миллион сумлык 140 мең штраф һәм пошлиналар түләнгән.
Бүген Татарстанда электрон рәвештә 33 хезмәт күрсәтелә, һәм алар артачак. Мәсәлән, Татарстан Республикасы дәүләт һәм муниципаль хезмәтләре uslugi.tatarstan.ruпорталы хәзер   Татарстанга башка регионнардан килгән автомобильчеләрнең дә штрафларын да карарга һәм түләргә мөмкинлек бирә. Мотоцикл йөртүчеләр дә бу хезмәтттән файдалана ала.
Тиздән порталга тагын бер сервис куелачак – балалар бакчасы өчен түләү Интернет аша булачак.
Ноябрь аенда “өч тапкыр басып” түләү мөмкинлеге булачак, бу банк картасын порталдагы ”шәхси кабинет”ка бәйләргә, шулай итеп, кабат-кабат карта биремнәрен кертмичә генә, уңайрак һәм тизрәк түләргә мөмкинлек бирә.
Татарстанда яшәүчеләргә дәүләт хезмәтләрен максималь комфорт белән күрсәтү өчен, республикада IOS һәм Android системалы смартфоннар өчен махсус мобиль кушымталар ясала. Ноябрьдә штрафлар түләү өчен, балалар бакчасына, табибларга язылу өчен махсус кушымталар тестланачак.   Алар ярдәмендә бер кнопкага басып дәүләт хезмәтләрен алып булачак. Алдагы бер ел ярым вакыт эчендә Татарстан Россиядә кәгазь квитанцияләрдән арынучы пионер булыр, дип көтелә. Барлык мәгълүмат мобиль телефонга килеп торачак.
ТР Мәгълүмат һәм элемтә министрлыгы матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлыгы
Документлар
Матбугат хезмәте
Гражданнарның мөрәҗәгатьләре
Адрес: 420111, Казан шәһәре, Кремль урамы, 8
Телефон: Канцелярия: (843) 231-77-95, (843) 231-77-96, Приемная министра: (843) 231-77-01, Приемная заместителей министра: (843) 231-77-02
Факс: (843) 292-40-14
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International