Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы

Россия Эчке эшләр министрлыгы департаменты җитәкчесе Михаил Тюркин Татарстан Республикасының ИТ-проектларын өйрәнде

2011 елның 30 сентябре, җомга

Бүген ИТ-паркка визиты вакытында: “Монда күргәннәрне без үз хезмәтебездә кулланырга тиеш”, - диде Россия Эчке эшләр министрлыгының Мәгълүмати технологияләр, элемтә һәм мәгълүмат саклылыгы департаменты җитәкчесе Михаил Тюркин.

Михаил Тюркин, шулай ук “РФ Эчке эшләр министрлыгы Баш информация – аналитика үзәге” җитәкчесе генерал-майор Павел Бажов һәм баш конструктор - РФ Президенты Администрациясе җитәкчесе ярдәмчесе Мәксут Шадаев кичә Казанга эшлекле визит белән килделәр.

Бүген делегация ИТ-паркта булды, монда алар дата-үзәк, “ГЛОНАСС+112” системасының эше, электрон документ әйләнеше, шулай ук Бизнес-инкубаторның тагын бер проекты – “Автодория” проекты белән таныштылар.

Кунакларны ТР Премьер-министры урынбасары - Мәгълүматлаштыру һәм элемтә министры Николай Никифоров, ТР Эчке эшләр министры урынбасары Дамир Динниулов озатып йөрде.

Кунакларга шулай ук “Универсиада-2013” кысаларында цифрлы радиоэлемтә системасының оператив хезмәт өчен кулланыла торган бер юнәлешен тәкъдир иттеләр. Бу юнәлеш 2005 елда Казанның 1000-еллыгын уздырганда кулланышка кертелгән иде.

Михаил Тюркин барлык проектларны да, аеруча электрон документ әйләнешен һәм “ГЛОНАСС” проектларын, югары бәяләде.

ТР Мәгълүматлаштыру һәм элемтә министрлыгы матбугат хезмәте

БАРЛЫК ЯҢАЛЫКЛАРНЫ УКУ